ကမ္ဘာ့အကြီးဆုံးမီးရထားသံလမ်းတံတား

ရှမ်းပြည်နယ်မြောက်ပိုင်း သီပေါနယ်တွင် ရှမ်းဘာသာဖြင့် ဟိုကွတ် ဟုခေါ်သောရွာတစ်ရွာ ရှိပါတယ်။ ထိုရွာကို မြန်မာတို့က ငုတ်ထိပ်ဟုခေါ်ပြီး ကာလရွေ့လျောသောအခါ ငုတ်ထိပ်မှ ဂုတ်ထိပ်ဖြစ်လာပါတယ်။ ထိုရွာအနီးတွင် တည်ဆောက်တဲ့ နည်းပညာအဆင့်မြင့်မှု နဲ့ သဘာဝပတ်ဝန်းကျင်အလှအပကြောင့် ကမ္ဘာ့အံဖွယ်စာရင်းတွင် ပါဝင်ခဲ့တဲ့ တံတားတစ်စင်းရှိပါတယ်။ ထိုတံတားကို ဂုတ်ထိပ်တံတားဟုခေါ်ပြီး မြန်မာနိုင်ငံတွင် အမြင့်ဆုံး၊ ကမ္ဘာ့အကြီးဆုံး မီးရထားသံလမ်းတံတားကြီး တစ်စင်းလည်းဖြစ်ပါတယ်။

၁၈၉၇ ခုနှစ်တွင် ဗြိတိသျှအစိုးရဟာ မန္တလေးမှ ဗန်းမော်သို့ မီးရထားလမ်းဖောက် လုပ်ရာ မန္တလေးမှ ကွမ်းလုံသို့ မီးရထားလမ်းဖောက်လုပ်ရန် လိုအပ်ကြောင်း သိရှိခဲ့ပါတယ်။ ထို့ကြောင့် ဆာအေအမ်ရင်း ဒဲလ်အင်(Sir Arthur Rendel) က ပုံစံရေးဆွဲ၍ အမေရိကန် ပင်ဆီလဗေဒနီးယား(Pennsylvania)နှင့် မေရီလန်( Maryland) တံတား ဆောက်လုပ်ရေး ကုမ္ပဏီအား ငှားရမ်းကာနောင်ချိုဘူတာအလွန် ရမိုင် မှာ ဂုတ်ထိပ်တံတားကို ဆောက်လုပ်စေခဲ့ပါတယ်။ ၁၈၉၉ ခုနှစ် တွင် စတင်တည်ဆောက်ပြီး ၁၉၀၀ ပြည့်နှစ်တွင် ပြီးဆုံးခဲ့သော်လည်း ၁၉၀၃ ခုနှစ်ရောက်မှသာ စတင်အသုံးပြုခဲ့ပါတယ်။

တံတားရဲ့ အရှည်မှာ ၂၂၆၀ ရှိပြီး အမြင့်မှာ ၂၅၀ မီတာ (၈၂၀ ပေ) ရှိပါတယ်။ တံတားဆောက်လုပ်ရာတွင် သံနှင့် သံမဏိတန်ချိန် ၄၃၁၁တန်၊ သံမှိုပေါင်း ၁ သန်း၊ ပေ ၁၂၀ ရှည်တဲ့ သံဘောင် ၁၀ ခု၊ ပေ ၆၀ ရှည်တဲ့ သံဘောင် ၁၆ ခု တို့ဖြင့် သံမဏိတိုင်ကြီး ၁၆ တိုင်ပေါ်၌ ခဲရာခဲ
ဆစ် တည်ဆောက်ခဲ့ရပါတယ်။ ကုန်ကျငွေမှာ ထိုခေတ်က ၁၆၉၈၂၀၀ ကျပ်ဖြစ်ပါတယ်။

ထိုတံတားဟာ နမ္မတူသတ္တုတွင်း တူးဖော်ရေးလုပ်ငန်း နှင့် သယ်ယူ ပို့ဆောင်ရေးတွင် အရေးပါပြီး မြန်မာ့စီးပွားရေးကို များစွာ အထောက် အကူပြုခဲ့ပါတယ်။ ထို့ကြောင့် ဒုတိယကမ္ဘာစစ်မှာ မဟာမိတ်တို့၏ မြေလှန်စနစ်အရ ဖျက်စီးခြင်းခံခဲ့ရပါတယ်။ သို့သော် သံတိုင် အမှတ် ၂ နှင့်
၅ သာ ပျက်စီးခဲ့ပါတယ်။ ထို့နောက် ဂျပန်တို့လက်ထက်မှာ သံတိုင်အမှတ်၉၊ ၁၀၊ ၁၁ နှင့် ၁၂ တို့ကိုဖျက်စီးကြပြန်ပါတယ်။

လွတ်လပ်ရေးရပြီးနောက် ထိုတံတားကို နိုင်ငံခြားကုမ္ပဏီများကို ငှားရမ်းပြုပြင်ရန်စီစဉ်ခဲ့သော်လည်း ငှားရမ်းခ ကြီးမြင့်လှတာကြောင့် မြန်မာ့မီးရထားဌာန ကပင် ဦးစီးပြုပြင်ခဲ့ရပါတယ်။ ၁၉၄၈ ခုနှစ် မေလက စတင်ပြုပြင်ခဲ့သော်လည်း လမ်းပန်းဆက်သွယ်ရေးခက်ခဲပြီး ပစ္စည်း
များ မှာလည်း ရှားပါးလှသဖြင့် ၁၉၅၁ သြဂုတ်လ တွင်မှ ပြန်လည်ပြင်ဆင် ပြီးစီးခဲ့ပါတယ်။ ပြုပြင်စရိတ် ၃၂ သိန်းခန့် ကုန်ကျခဲ့ပါတယ်။

ပေ ၃ဝဝ ကျော်မတ် စောက်သည့် လျှိုကြီးနှစ်ခုကို ဖြတ်ကာ ခဲရာခဲဆစ် တည်ဆောက်ထားခဲ့ပြီး ခေတ်အဆက်ဆက် ပျက်စီးယိုယွင်းမှုများ ထိန်းသိမ်းခဲ့တာကြောင့် ဂုတ်ထိပ်တံတားဟာ ကမ္ဘာလှည့်ခရီးသွား အများအပြား မကြာခဏ လာရောက်ကြည့်ရှုလေ့ရှိတဲ့ နေရာတစ်ခုလည်း ဖြစ်နေပါတော့တယ်
credit====မြန်မာ့စွယ်စုံကျမ်း
အောင်မြင့်မြတ်