သူ့ကိုမမေ့နိုင်သေးရင်

အချိန်တွေကြာလာတဲ့အထိ သူ့ကိုမေ့ပျောက်မရသေးဖူးဆိုရင်... ဘဝသစ်ကို စတင်သင့်နေပေမယ့် သူဟာ အခုချိန်ထိ ကိုယ့်အတွေးနဲ့ ခံစားချက်တွေထဲ ရှိနေရင်...
အမြဲအလိုလို မဟုတ်တော့ရင်တောင် တိုက်ဆိုင်လို့ တွေးမိလိုက်တိုင်း ရင်ဘတ်တွေ အောင့်နေရင်...
သူ့ကို မမေ့နိုင်သေးရင် သတိရလိုက်ပါ။ ဒါပေမယ့် ပြန်ပြီးတော့ တမ်းတမနေပါနဲ့တော့။ တစ်ခါတစ်လေကျ မဖြစ်နိုင်တော့တဲ့ တမ်းတစိတ်တွေဟာ ပင်ပန်းလွန်းလှပါတယ်။
၁။ "အပြင်ထွက်ပါ။"
ဒီလိုအချိန်မျိုးမှာ ကိုယ်ဘယ်မှ မသွားချင်ပါဘူး။ တစ်ယောက်တည်း နေလိုစိတ်များနေသလို၊ တစ်ကိုယ်တည်းပဲ နေချင်ပါတယ်။ အပြင်သွားလိုက်လို့ သူနဲ့အတူသွားခဲ့ဖူးတဲ့
နေရာတွေက အမှတ်တရတွေကို သတိရလိုက်မိရင် ထပ်ပြီး နာကျင်မိမှာကိုလည်း ကြောက်ပါတယ်။ ဒါပေမယ့် တကယ်တော့ ဒီစိတ်တွေနဲ့ ဘယ်မှမသွားဘဲ အိမ်တွင်းအောင်းနေတာ
ပိုဆိုးစေပါတယ်။ အိမ်မှာနေတော့ အားလပ်ချိန်ရပါတယ်။ အားလပ်ချိန်ရတော့ ကိုယ့်ကို စိုးမိုးထားတဲ့လူအကြောင်း တွေးမိတာ မစမ်းပါဘူး။ ဒီတော့ အလုပ်ကိစ္စနဲ့ဖြစ်ဖြစ်၊ ကိုယ့်စိတ်
မွန်းကြပ်မှုတွေ ဖြေလျော့ဖို့ပဲဖြစ်ဖြစ် အပြင်လေးဘာလေးထွက်ပါ။
၂။ "အလုပ်ကို အာရုံစိုက်။ ကျောင်းသင်ခန်းစာတွေ အာရုံစိုက်။ ဘဝကို အာရုံစိုက်"
လွမ်းဆွတ်လို့ မောဟိုက်မှုတွေ ခံစားရတဲ့အခါ စိတ်ကျတတ်ပါတယ်။ ဒီ စိတ်ကျမှုဟာ ကိုယ့်ဘဝနဲ့ ကျန်းမာရေးကို ကိုယ့်ခေါင်းထဲမထည့်ချင်ရလောက်အောင် ကိုယ့်ကိုယ်ကို
လျစ်လျူရှုလိုက်တတ်ပါတယ်။ နာကျင်ကာစ သွေးပူနေတဲ့အချိန်မှာ ဖြစ်တာ မဆန်းပေမယ့် အချိန်တွေကြာလာတဲ့အထိ စိတ်ကျနေတုန်းပဲဆိုရင်တော့ ကိုယ့်ကိုယ်ကို ဆန်းစစ်သင့်ပါပြီ။
သူ့ကြောင်း စဉ်းစားနေတာတွေ လျော့ပြီး ကိုယ့်ဘဝကို အာရုံစိုက်ပါ။ သူကိုယ့်အနားမရှိတော့ပေမယ့် ကိုယ်ဖြတ်သန်းရဦးမယ့် ဘဝကြီးကျန်ပါသေးတယ်။ သူနဲ့အတူ မဖြတ်သန်းရတော့ပေမယ့်
သင် မဖြစ်မနေဖြတ်သန်းရမယ့် ဘဝကြီး ရှိတာ မမေ့ပါနဲ့။ စိတ်ချပါ...။ လူတိုင်း ဒီလိုအခြေအနေကို အောင်အောင်မြင်မြင် ဖြတ်ကျော်ဖူးပါတယ်။
၃။ "သံယောဇဉ်တွေ ဖြတ်ပါ"
ပျော်စရာအချိန်တွေ အတူမျှဝေဖူးတယ်။ နာကျင်စရာတွေလည်း ဖြစ်စေဖူးတယ်။ ဒီအတိတ်တွေတိုင်းဟာလည်း တမ်းတချင်စရာကောင်းတယ်။ ဟုတ်ပါတယ်။ ဒါပေမယ့် ဒီအရာတွေအားလုံးဟာ
အတိတ်ဆိုတာကိုတော့ သင်လက်ခံရပါမယ်။ အတိတ်ဆိုတာ ဘဝရဲ့တစ်စိတ်တစ်ပိုင်းပါ။ ကျန်ခဲ့ပါပြီ။ ပြန်တမ်းတလိုရပေမယ့် ပြန်လိုချင်လို့တော့ မရတော့ပါဘူး။
၎။ "ခွင့်လွှတ်ပါ။ ကျေးဇူးတင်ပါ။ လက်ခံပါ"
သူ့ကြောင့် နာကျင်ခဲ့တာရှိရင်လည်း အငြိုးအတေးမထားပါနဲ့။ ဒီအငြိုးတွေဟာ ကိုယ့်ရှေ့ဆက်ရမယ့်ဘဝကို နှောင်တွယ်စေပါတယ်။ သူကိုယ့်အပေါ် ကောင်းခဲ့ရင်လည်း ကျေးဇူးတင်
အသိအမှတ်ပြုလိုက်ပါ။ နောက်ပြီး သူကိုယ့်နဲ့အတူ ထပ်ပြီးမရှိနိုင်တော့ဘူးဆိုတာကိုလည်း လက်ခံလိုက်ပါ။
၅။ "ကိုယ့်ကိုချစ်တဲ့သူတွေနဲ့ ကိုယ်က ချစ်ရတဲ့သူတွေ"
ရင်ခုန်သံတွေ ဗလောင်ဆူစွာနဲ့ ခံစားချက်တွေ ပုံအောပြီး ချစ်ခဲ့ရတဲ့သူဟာ သူဖြစ်တယ်ဆိုပေမယ့် ကိုယ့်မှာ တခြားချစ်ရမယ့်သူတွေ ရှိသေးတယ်ဆိုတာ မမေ့ပါနဲ့။
သူ့အပြင် ကိုယ့်ကို သိပ်ချစ်တဲ့သူတွေလည်း ရှိနေပါသေးတယ်။ ချစ်ခြင်းနဲ့ အချစ်ခံရခြင်းကကိုယ့်ကို ခွန်အားနဲ့ နွေးထွေးမှုတွေ ဖြစ်စေပါတယ်။ မိသားစုတွေ၊ သူငယ်ချင်းတွေ၊
အသိုင်းအဝိုင်းတွေ အားလုံးကို ကိုယ့်ကိုချစ်မှာပါ။ ကိုယ်ကလည်း သူတို့ကို ချစ်ပါတယ်။
၆။ "ဂီတက ကိုယ့်ရဲ့အဖော်လည်းဟုတ်တယ်။ ရန်သူလည်း ဟုတ်တယ်။"
ကိုယ့်ရဲ့ ပူဆွေးမှုတွေကို ဂီတနဲ့ ဖျောက်ပစ်ဖို့ ကြိုးစားတဲ့အခါ တစ်ခါတစ်လေ အနာတွေ ပိုဆိုးတတ်ပါတယ်။ တစ်ခါတစ်လေတော့ သက်သာရာရပါတယ်။ သီချင်းနားထောင်မယ်ဆိုရင်
သတိထားပြီး နားထောင်သင့်ပါတယ်။ သူ့ကို အရမ်းကိုသတိရစေမယ့်၊ အမှတ်တရတွေ တိုက်ဆိုင်လွန်းတဲ့ သီချင်းတွေကို ရှောင်ကြဉ်ရင်တော့ ကောင်းပါတယ်။
၇။ "အရက်နဲ့ မူးယစ်စေတဲ့အရာတွေ"
အသည်းကွဲတာ ပြေပျောက်ချင်လို့ အရက်သောက်မယ်ဆိုရင် ကိုယ်အမှားကြီးမှားပါပြီ။ အရက်ဟာ လွမ်းဆွတ်မှုတွေကို မပျောက်စေပါဘူး။ သူက လွမ်းဆွတ်မှုတွေကို အရှိန်ပြင်းစေတာပါ။
ရီဝေနေတဲ့ ခံစားမှုတစ်ခုဟာ ကိုယ့်ကို အတိတ်ကို ပြန်သွားဖို့ပဲ တွန်းပို့နေပါတယ်။ ဒီအတိတ်နဲ့အတူ ကိုယ်ဟာလည်း နာကျင်မှုတွေ ဆထက်တိုးစေနိုင်ပါတယ်။
၈။ "အချစ်ဆိုတာ အစားထိုးမရဘူး။ ဒါပေမယ့် အသစ်တော့ ဖြစ်နိုင်တယ်။"
သူ့ကို ဘယ်တော့မှ အစားထိုးလို့မရတော့ပါဘူး။ ဟုတ်ပါတယ်။ ဒါပေမယ့် ကိုယ့်နှလုံးသားဟာ နောက်ထပ် အချစ်တစ်ခု မွေးဖွားဖို့ ထိုက်တန်ပါတယ်။ အချိန်တွေကြာလာလို့
ဘဝတွေ အတည်တကျဖြစ်လာပြီဆိုရင် ကိုယ့်အနားကို နောက်ထပ် ရင်ခုန်သံတွေဖြစ်စေမယ့် အရာတွေ ဝင်လာပါဦးမယ်။
ရွှေညာမောင် (Focus Youth E-magazine)
Ref:HI
Credit: Focus Youth E-magazine