"ဖြစ်ပါ့မလား" ဆိုတဲ့ တွေဝေခြင်းတွေပြည့်နှက်နေတဲ့ မေးခွန်းတွေက ခေါင်းထဲမှာ ပွက်လောရိုက်နေတယ်။
.
မဝံ့မရဲဖြစ်ခြင်းတွေ၊ သံသယစိတ်တွေကြောင့် နောက်ပြန်လှည့်လိုက်ချင်ပေမယ့် မျှော်လင့်ခြင်းတွေ၊ ယုံကြည်ခြင်းတွေကြောင့်လည်း
ရှေ့ကိုဆက်ပြီးတိုးလိုက်ချင်တယ်။
.
"သေချင်တဲ့ကျား၊ တောပြောင်း" တဲ့.. "တစ်ရွာမပြောင်း သူကောင်းမဖြစ်" တဲ့..
ဟုတ်ပါတယ်.. ဒီအတိုင်းလေး ပိုနေမြဲ၊ ကျားနေမြဲ နေလိုက်တာပဲကောင်းပါတယ်။
ဒီလို သက်တောင့်သက်သာ အတွေးလေး တွေးမိလိုက်တာနဲ့ ငါဘာ ဘယ်တော့မှ အောင်မြင်တဲ့သူတစ်ယောက်
ဖြစ်နိုင်တော့မှာမဟုတ်ဘူး ဆိုတဲ့ စိတ်ကလည်း အနာဂတ်တစ်ခုလုံးနဲ့ နှလုံးသည်းပွတ်တွေကိုပါ တုန်လှုပ်ချောက်ခြားစေတယ်။
.
ငါဟာ တကယ်ပဲ မအောင်မြင်နိုင်တော့ဘူးလား?
ငါဟာ တကယ်ပဲ သာမန်ထဲက သာမန်ဖြစ်တော့မှာလား?
ငါဟာ တကယ်ပဲ ထမင်းလေးတစ်နပ်စားဖို့အတွက် အသက်ရှင်ရပ်တည်နေရတော့မှာလား?
.
အဲဒီ့အတွေးနဲ့ မေးခွန်းတွေက မျှော်လင့်ထားတာထက် ပိုပြီး ကြောက်ဖို့ကောင်းတယ်။ ပိုပြီး ရင်ဆိုင်ရခက်ခဲတယ်။
.
တစ်ချို့ကပြောကြတယ်.. "မင်း လုပ်ကိုလုပ်နိုင်တယ်။ ယုံကြည်ချက်ထားပါ" တဲ့..
တစ်ချို့က ပြောတော့.. "မင်းလုပ်နိုင်မှာ မဟုတ်ဘူး။ စိတ်ကူးယဉ်တာတွေရပ်ပြီး လက်တွေ့ဆန်လိုက်စမ်းပါ" တဲ့..
ပတ်ဝန်းကျင်က အသံပေါင်းစုံတွေကြားမှာ ရင်ဘတ်ထဲက အသံတစ်ခုကို နားထောင်ကြည့်တော့
"သွားတော့ သွားချင်တယ်။ (လုပ်ချင်တယ်၊ အောင်မြင်ချင်တယ်) ဒါပေမယ့် ကြောက်တော့ကြောက်တယ်" တဲ့..
.
ကိုယ့် စိတ်ကူးထဲကအတိုင်း လုပ်ရမှာ.. အောင်မြင်မှုခရီးကို သွားရမှာ ဘာလို့ ဒီလောက်တောင် ကြောက်ဖို့ကောင်းတာလဲ...
လမ်းခရီးက အတိုက်အခိုက်တွေကြောင့်လား... ထောင်ချောက်တွေကြောင့်လား...
ပြိုလဲကျသွားမှာကြောင့်လား... ပြန်မထနိုင်တော့မှာ စိုးတာကြောင့်လား..
.
အနောက်ကို ငေးစောင်းကြည့်တော့ ဘာမှ စိုးရိမ်စရာမရှိပေမယ့် ဘာမှ တပ်မက်စရာမရှိတဲ့ နေရာတစ်ခု။
(တစ်နည်းပြောရရင် ဘာမှ အဓိပ္ပာယ်မရှိတဲ့ ဘဝတစ်ခုပေ့ါ)
အရှေ့ကို မျှော်ကြည့်တော့ ဆူးတွေ၊ ငြှောင့်တွေ၊ ထောင်ချောက်တွေ.. အဲဒီ့အရာတွေရဲ့ရှေ့မှာတော့ ရွှေအတိနဲ့ အဆင်းတဖိန့်ဖိန့်တောက်နေတဲ့ ရွှေမြို့တော်ကြီး..
နောက်တစ်နေရာက သစ်ပင်တွေနဲ့ စိမ်းလန်းနေတဲ့ အိုအေစစ်လေး.. နောက်တစ်ခုက ပျော်ပွဲရွှင်ပွဲနေတဲ့ စည်ကားနေတဲ့ အရပ်ဒေသ..
(ကိုယ်သွားချင်တဲ့နေရာကို ဦးတည်ပြီး သွားနိုင်တယ်ပေ့ါ)
.
ဘဝအတွက် အဓိပ္ပာယ်ရှိတဲ့ အရပ်ဒေသတွေ ရှိနေပါရက်နဲ့ ဒီလိုနေရာမှာပဲ ဘဝတစ်ခုလုံးကို အလဟသတ် ကုန်ဆုံးစေမှာလား??
ဟင့်အင်း.. အဲဒီလိုတော့ အဖြစ်မခံနိုင်ဘူး..
ဘဝဆိုတဲ့ တိုတောင်းတဲ့ကာလတိုတိုလေးထဲမှာ စိန်ခေါ်မှုတွေ... အခက်အခဲတွေ.. တိုက်ပွဲတွေကြားထဲမှာ ကိုယ့်ဘဝရဲ့ အဓိပ္ပာယ်ရှိတယ်လို့ ခံစားရတဲ့
အရပ်ဒေသကို ရောက်အောင် သွားလိုက်ချင်တယ်..
.
ပထမဦးဆုံး ခြေလှမ်းတစ်လှမ်းကို လှမ်းလိုက်တယ်..
အရင်က ရှိခဲ့တဲ့ စိုးရိမ်ခြင်းတွေ၊ ကြောက်ရွံ့ခြင်းတွေနေရာမှာ စိတ်လှုပ်ရှားခြင်းတွေ၊ ရင်ခုန်ခြင်းတွေ..
.
သေချာပါတယ်.. အဲဒီ့ခရီးလမ်းတစ်လျှောက် ပြိုလဲကျဦးမယ်.. နာကျင်ရဦးမယ်.. ပင်ပန်းရဦးမယ်..
ဒါပေမယ့် တစ်နေ့မှာတော့ ကိုယ်ရောက်ချင်တဲ့နေရာကို ရောက်ကို ရောက်ရမယ်..
အဲဒီ့စိတ်နဲ့ပဲ နောက်ထပ် ခြေလှမ်းတွေကို ထပ်လှမ်းလိုက်တယ်..
.
တစ်လှမ်း.. နောက် တစ်လှမ်း.. နောက်ထပ် တစ်လှမ်း..
.
(ကျနော့်ရဲ့မိတ်ဆွေတွေကိုလည်း ထူးမခြားနားဘဝထဲကနေ ရုန်းထွက်ပြီး ကိုယ့်ဘဝအတွက် အဓိပ္ပာယ်ရှိမယ့်အရာတွေနဲ့ ရှင်သန်ရပ်တည်နိုင်ကြဖို့ တိုက်တွန်းဆန္ဒပြုလိုက်ရပါတယ်)
______________
လေးစားမှုများဖြင့်..
ရွှေညာမောင် (Focus Youth)
0 comments:
Post a Comment