အရှုံးကိုဝန်​ခံတဲ့အရည်​အချင်း

အရှုံးကိုဝန်ခံတဲ့ အရည်အချင်း

------------------------------

အနောက်နိုင်ငံသားတွေ အမြဲပြောတယ်။

.

"ဒီမိုကရေစီအရည်အချင်းဆိုတာ ကျောင်းဘောလုံးပြိုင်ပွဲကနေ လေ့ကျင့်ပေးလိုက်တာ"တဲ့။ ဒီလိုလေ့ကျင့်ပေးလိုက်တဲ့ ဒီမိုကရေစီအရည်အချင်းရဲ့ နံပါတ်တစ်အချက်က အရှုံးကိုဝန်ခံတဲ့အရည်အချင်းဖြစ်တယ်။ --- ရှုံးရဲတယ်၊ လှလှပပရှုံးဝံ့တယ်။

.

အမေရိကန်ရွေးကောက်ပွဲနှစ်တွေမှာ နိုင်ငံရေးသမားတို့ရဲ့ လူထုဟောပြောပွဲတွေကို ကြည့်ဖန်များရင် သူတို့ရဲ့စည်းကမ်းဥပဒေကို ဖော်ထုတ်တတ်လာတယ်။ ကိုယ့်ပါတီ၊ ကိုယ့်ပါတီဝင်ရဲ့ မူဝါဒသဘောထားတွေက ပြည်သူ့အပေါ်အကျိုးရှိစေမယ်ဆိုတာမျိုးကို ဆိုလိုတာမဟုတ်ဘူး.. တစ်ဘက်ပါတီရဲ့မူဝါဒက တိုင်းပြည်ကိုနစ်နာ၊ ပြည်သူကိုနစ်နာစေတယ်ဆိုတာတွေ ဖြစ်တယ်။ ဒါတွေက ကြားဖန်များရင် စိတ်ကုန်ဖို့ကောင်းလာတယ်။ ဒါပေမယ့် ဟောပြောပွဲတစ်ခုကိုတော့ အခွင့်ရရင်ရသလို ကျွန်တော်နားထောင်ဖြစ်၊ ကြည့်ဖြစ်တယ်။ အဲဒီဟောပြောပွဲက ရွေးကောက်ပွဲပြီးတဲ့နောက်တစ်ရက်မှာ ရွေးကောက်ပွဲရှုံးနိမ့်သွားသူရဲ့ အရှုံးကိုဝန်ခံတဲ့ဟောပြောပွဲဖြစ်တယ်။

.

ခင်ဗျားတို့ပဲ စဉ်းစားကြည့်လေ... ရှေ့တစ်ရက်ကပဲ ဒီသမ္မတအဖြစ်အရွေးခံမယ့်လူဟာ လူစုလူဝေးရှေ့မှာ စကားတွေ လေးလေးနက်နက် ပြတ်ပြတ်သားသားပြောလို့။ တစ်ဘက်လူထက် ကိုယ်ဘယ်လောက် တော်ကြောင်း၊ တတ်ကြောင်းတွေ။ အခုတော့ ပြည်သူပေးတဲ့မဲအရေအတွက်နဲ့ အဆုံးအဖြတ်ပေးတော့ စည်းမျဉ်းအတိုင်း ဒီရွေးကောက်ပွဲရှုံးသူဟာ ပြည်သူလူထုရှေ့မှာပဲ ရှုံးကြောင်းဝန်ခံရတယ်။ ဒီမျက်နှာ ဘယ်နားထားမလဲ၊ ဒီအရှုံးဝန်ခံတဲ့ဟောပြောပွဲကို ဘယ်လိုပြောရမလဲ။

.

အရှုံးကိုဝန်ခံတဲ့ဟောပြောပွဲက ဗီဒီယိုကင်မရာရှေ့မှာပြောရတယ်။ များသောအားဖြင့် စစချင်းတစ်ခွန်းမှာပြောတာက "ကျွန်တော်ခုနားကပဲ အရွေးခံရသူဆီ ဖုန်းဆက်ပြီး သူသမ္မတရွေးခံရတာကို ဝမ်းမြောက်ကြောင်း ဂါဝရပြုလိုက်ပါပြီ"။ စည်းမျဉ်းစည်းကမ်းအတိုင်း ရွေးကောက်ပွဲရှုံးသူက သူ့ကိုအားပေးထောက်ခံတဲ့ ပြည်သူလူထုတွေထံ "အခု... ကျွန်တော်တို့ရဲ့ပြိုင်ဘက်ပါတီက သမ္မတအဖြစ် ရွေးချယ်ခံလိုက်ရပါပြီ။ သူဟာ အမေရိကန်နိုင်ငံသားတို့ရဲ့ သမ္မတပါ၊ ကျွန်တော့်ရဲ့သမ္မတ၊ ခင်ဗျားတို့ရဲ့သမ္မတပါ"လို့ အယူခံဝင်ပါတယ်။

.

အရှုံးဝန်ခံဟောပြောပွဲက စည်းလုံးမှုရဲ့ဟောပြောပွဲဖြစ်တယ်။ ရှုံးနိမ့်သူရဲ့ တစ်နှစ်နီးပါးကာလအတွင်း လှုပ်ရှားလှုံ့ဆော်ခဲ့တဲ့ နောက်ဆုံးအကြိမ် ဟောပြောပွဲဖြစ်တယ်။ ပြိုင်ပွဲက အနိုင်အရှုံးရလဒ်ကို သိနေပြီ... ရှုံးတဲ့သူက ဒီနောက်ဆုံးအရှုံးဝန်ခံပွဲကို ကောင်းကောင်းသရုပ်ဆောင်ရပါတယ်။ အရှုံးကိုဝန်ခံတဲ့အရည်အချင်းဟာ နိုင်ငံရေးသမားအတွက် အရေးပါတဲ့အရာမို့ပါ။

.

ဒီမိုကရေစီနိုင်ငံရေးကို "မျှတတဲ့ကစားပွဲ"လို့ အမြဲတင်စားပါတယ်။ အိုလံပစ်အားကစားပြိုင်ပွဲအတိုင်း တန်းတူတဲ့စည်းမျဉ်းစည်းကမ်းအောက်မှာ ပြိုင်ပွဲဝင်ကြပါတယ်။ အနောက်နိုင်ငံသားတွေက "ဒီမိုကရေစီအရည်အချင်းဆိုတာ ကျောင်းဘောလုံးပြိုင်ပွဲကနေ လေ့ကျင့်ပေးလိုက်တာ"လို့ အမြဲပြောတယ်။ ဒီလိုလေ့ကျင့်ပေးလိုက်တဲ့ ဒီမိုကရေစီအရည်အချင်းရဲ့ နံပါတ်တစ်အချက်က အရှုံးကိုဝန်ခံတဲ့အရည်အချင်းဖြစ်တယ်။ --- ရှုံးရဲတယ်၊ လှလှပပရှုံးဝံ့တယ်။

.

ဒါကြောင့် ရွေးကောက်ပွဲရှုံးသူရဲ့ အရှုံးဝန်ခံဟောပြောပွဲက အရေးပါပါတယ်။ စကားကို လှလှပပပြောသလား မပြောဘူးလား... ဒါဟာ စိတ်ပန်းလူပန်း သူအစွမ်းကုန်ကြိုးစားခဲ့တဲ့ ရွေးကောက်ပွဲမှာ သူ့အတွက် အကောင်းဆုံး အဆုံးသတ်ပုဒ်မတစ်ခုအဖြစ် သက်ရောက်သွားမှာဖြစ်တယ်။ ရွေးကောက်ပွဲမှာပါဝင်တဲ့ ပြည်သူလူထုအနေနဲ့က ဒီပွဲဟာ အရွေးမခံရသူမှာ ကျဉ်းမြောင်းတဲ့စိတ်၊ သဘောထားသေးသိမ်တဲ့စိတ်ရှိ မရှိ စမ်းသပ်တာပဲဖြစ်တယ်။ အရွေးမခံရသူမှာ ဒီမိုကရေစီနိုင်ငံရေးသမားတို့ ရှိအပ်တဲ့အရည်အချင်းရှိ မရှိ ဆန်းစစ်တာပဲဖြစ်တယ်။

.

အမေရိကန်သမ္မတအဖြစ် ဝင်ရောက်ရွေးချယ်မယ့်သူတွေဟာ ဒီသဘောထားကို နားလည်ထားကြတယ်။ ဒါကြောင့် ကံမကောင်းအကြောင်းမလှလို့ အရှုံးဝန်ခံတဲ့အရည်အချင်းကို ထုတ်ဖော်ပြသရတဲ့အခါ မျှော်လင့်ချက်မဲ့တဲ့အနေအထားကို ရောက်သွားသည့်တိုင် ရှိသမျှအင်အားနဲ့ စင်ပေါ်မှာ နောက်ဆုံးသရုပ်ကို အကောင်းဆုံးဆောင်သွားတတ်ပါတယ်။ ဒါဟာ ရွေးကောက်ပွဲပြီးတိုင်း အရှုံးဝန်ခံဟောပြောပွဲတွေ ကြားနားထိုက်တဲ့အကြောင်းရင်းပဲ ဖြစ်ပါတယ်။

-----------

မူရင်းရေးသားသူ -- Lín dá

မူရင်းလင့် -- http://qmch6946.blog.163.com/…/sta…/10564958020130673328764/

.

Credit - နိုင်းနိုင်းစနေ

ကျွန်တော်သိ၊ကျွန်တော်တတ်၍ ရေးသားခြင်းမဟုတ်ပါခင်ဗျာ။ ကျွန်တော်လေ့လာမိသမျှကို စာဖတ်သူများပြန်လည်လေ့လာမိစေရန် ပြန်လည်မျှဝေခြင်းသာဖြစ်ပါသည်။ ကျွန်တော့်ပို့စ်တစ်ခုချင်းစီအတွက် မူရင်းရေးသားသူများကို အထူးကျေးဇူးဥပကာရတင်ရှိပါတယ်ခင်ဗျာ။ အောင်မြင့်မြတ်(Myanmar Youths) Ph-09256480246