ဆန်းနဲ့ကြည်ရဲ့ဖူးစာ

ဂျပန်ခေတ်၌ တစ်ခုတည်းသော ဆေးရုံကြီးတွင် စက်သေနတ် ဗုံးဆံများကြောင့် သူနာပြုအလွန်ရှားခဲ့သည်။ ရန်သူ့ကျည်ဆံ များ ဗုံးကြဲလေယာဉ်များက အချိန်အခါမရွေး လာတတ်သည် ဖြစ်၍ ဆရာဝန် နှင့် သူနာပြုအနည်းငယ်သာရှိသည်။ ထိုလက်ချိုးရေတွက်၍ ရသော သူနာပြုဆရာမ အနည်းငယ်တွင် မခင်ကြည်လည်း အပါအဝင် ဖြစ်သည်။ လူနာမှန်သမျှကို မငြိုမငြင်စေတနာထား၍ စိတ်ရှည်ရှည် ဖြင့် ပြုစုသဖြင့် မခင်ကြည်အား လူတိုင်းက ချစ်ခင်ကြသည်။

ထိုအချိန်တွင် ဗိုလ်ချုပ်သည် အလံပြဘုရားလမ်းရှိ တိုက်တွင် အသည်းအသန် ဖျားနာနေလေသည်။ အသည်းအသန်ဖျားနာရခြင်းမှာ ဖျားနာရလောက်အောင် ပင်ပန်းထားခြင်းကြောင့်ဖြစ်လေသည်။ ၁၉၄၂ ဇန်နဝါရီလဆန်းမှ စ၍ ထိုင်းနိုင်ငံ ဘန်ကောက်မြို့မှ ခရီးပြင်းနှင်ခဲ့ရာ မတ်လအတွင်းမှ ရန်ကုန်သို့ ရောက်၏။ သို့သော် တစ်ချက်ကလေး မနားအား ၊ အထက်မြန်မာပြည်သို့ ဆက်လက်ခရီးထွက်သွားသည်မှာ မေလအထိကြာလေသည်။ ငါးလ ဆက်တိုက် အအိပ် အစား မမှန်၊ ကြမ်းတမ်းသောရာသီဥတုဒဏ် စသည့် အခြေအနေ အရပ်ရပ်ကြောင့် အပြင်းဖျားရသည့် အဖြစ်သို့ ကြုံရလေသည်။

ဗိုလ်ချုပ်အောင်ဆန်း ထံ ဆရာအခေါ် အပင့်လာသဖြင့် ဆရာကြီး ဦးဘသန်းသည် မခင်ကြည်နှင့် အတူသွားပြီး ဗိုလ်ချုပ် ကျန်းမာရေးအခြေအနေကို စစ်ဆေးကြည့်ရှုကြသည်။ ဤသည်ကား ဗိုလ်ချုပ်အောင်ဆန်းနှင့် ဗိုလ်ချုပ်ကတော် ဖြစ်လာမည့် မခင်ကြည်တို့၏ ပထမဆုံး တွေ့ဆုံခြင်းပင်။ ပထမ ဗိုလ်ချုပ်အိမ်သို့ သွားရောက် ပြုစုကုသ ပေးခဲ့ကြသော်လည်း ဗိုလ်ချုပ်ကျန်းမာရေး မတိုးတက်သည့်အပြင် ဆေးရုံကဲ့သို့ လိုအပ်သည့်ပစ္စည်းများ မပြည့်စုံသဖြင့် နောက်ဆုံး ဆေးရုံကြီးဆီသို့ ရွေ့ပြောင်းတင် ပေးလိုက်သည်။

ဗိုလ်ချုပ်ကို ပြုစုပေးသော သူနာပြုများသည် ဗိုလ်ချုပ်၏ သုန်မှုန်သောမျက်နှာထားနှင့် အလိုမကျလျှင် အော်ဟစ်တတ်မှုများကြောင့် ဗိုလ်ချုပ်အနားကို မကပ်ချင်ကြ။ သို့ဖြင့် အကြီးတန်းသူနာပြု ဖြစ်သူ မခင်ကြည်ကိုယ်တိုင် ဗိုလ်ချုပ်ကို ပြုစုရလေသည်။ အစတော့ မခင်ကြည်ကိုလည်း အခြားသူနာပြုများကဲ့သို့ အော်ငေါက်တတ်လေသည်။ သို့သော် ဒေါ်ခင်ကြည်၏ အပြုံးမပျက်သည်းခံမှု၊ ဂရုစိုက်မှု ၊ စိတ်ရှည်မှု တို့က စိတ်ကြမ်းလူကြမ်း ဗိုလ်ချုပ်၏ စိတ်ကို ပျော့ပြောင်းသွားစေဟန် တူသည်။ စိတ်ချမ်းသာမှုကြောင့် ကျန်းမာရေးလည်း သိသိသာသာ တိုးတက်သွားလေသည်။

နောက်ပိုင်း ဒေါ်ခင်ကြည် မအားသဖြင့် အခြားသူနာပြုများဆေးလာတိုက်သည့် အခါ၊ ထမင်းလာကျွေးသည့်အခါများတွင် ဗိုလ်ချုပ်သည် အတင်းငြင်းကာ မခင်ကြည်တိုက်မှသောက်မယ် ၊ မခင်ကြည်ကျွေးမှ စားမယ် ဟုပြောသည်အထိ ဒေါ်ခင်ကြည်အပေါ် စွဲလန်းသွားတော့သည်။

ဗိုလ်ချုပ်သည် အဖျားသက်သာလာသည့် တစ်နေ့တွင် တပည့်ဖြစ်သူအား
“ဟေ့ တင်ဦး ၊ငါ့ကို လက်စွပ်လဲဖို့ စိန်လက်စွပ် တစ်ကွင်း ဝယ်ပေးစမ်းကွာ” ဟုဆိုရာ တပည့်ဖြစ်သူက ပြုံးပြီး “ဘာလုပ်ဖို့လဲ” ဟုမေးသည်။ “ငါမိန်းမယူတော့ မလို့ကွ ပြီးတော့ အင်္ကျီနဲ့လုံချည်ပါ ဝယ်ပေးဦး” ဟုပြောရာ တပည့်ဖြစ်သူလည်း မိန်းမအကြောင်း တစ်ခါမှမပြောဖူးသူကဒီလိုပြောသည့်အတွက် ဟက်ဟက်ပက်ပက် ရယ်လေတော့သည်။
“ဟေ့ကောင် ရယ်မနေနဲ့ကွ ၊ ငါအတည်ပြောနေတာ”
တပည့်ဖြစ်သူက ပြုံးပြီး “ဘယ်သူနဲ့လဲ” ဟု မေးရာ “မခင်ကြည်” နဲ့ဟုပြောကာ ပြုံးရွှင်နေလေတော့သည်။

ထိုသို့ မကြာခဏ ဆုံဆည်းပြီးနောက် ဗိုလ်ချုပ်သည် ဒေါ်ခင်ကြည့်အပေါ် စွဲလန်းစိတ်ကို မဖျောက်နိုင်တော့။ တစ်ညတွင် ရွှေပေါက်ပင် ဦးဘသိန်း ဆိုသူအား ခေါ်ကာ ဒေါက်တာ မြင့်ဆွေ အခန်းသို့ရောက်လာသည်။ ရောက်ရောက်ချင်းပင် ဆိုင်းမဆင့် ဗုံမဆင့် “ဗျို့ ဒေါက်တာမြင့်ဆွေ .. လာပါဦးဗျ ၊ မိန်းမသွားတောင်းမလို့” ဟု ဆိုရာ ဒေါက်တာ မြင့်ဆွေ ခင်ဗျာ ဦးဘသိန်းက တောင်းမှာလား ဗိုလ်ချုပ်ကိုယ်တိုင်တောင်းမှာလား ဘုမသိ ဘမသိဖြင့် ထလိုက်လာလေသည်။ ဗိုလ်ချုပ် တစိုက်မတ်မတ် သွားသည့် နေရာကား ဒေါ်ခင်ကြည်၏ အခန်းဝပင်ဖြစ်သည်။ အခန်းဝ ရောက်လျှင်ပင် “မိန်းမတောင်းရအောင် လာတယ်” ဟု အော်ဟစ်လေတော့သည်။ စိတ်ထဲရှိသမျှ ဟန်မဆောင်တတ်သော ဗိုလ်ချုပ်ပင်။

ဒေါ်ခင်ကြည် ခမြာ ရှက်ရှက်နှင့် အိမ်ထဲပြေးဝင်ပုန်းသွားသည်။ နောက်မှ အထက်အရာရှိ ဒေါက်တာမြင့်ဆွေတို့ကိုရော ဗိုလ်ချုပ်ကိုပါ အားနာသဖြင့် ပြန်ထွက်ပြီး ဧည့်ခံလေသည်။ ပြန်ထွက်ထွက်ချင်းပင် ဣနြေ္ဒ မဆောင်နိုင်သော ဗိုလ်ချုပ်က “အခြားကိစ္စမဟုတ်ဘူးဗျ မိန်းမတောင်းရအောင်လာတာ” ဟု ထပ်ပြောပြန်သဖြင့် ဒေါ်ခင်ကြည် ပြုံး၍သာနေရလေသည်။ ထို့နောက်တွင်တော့ ဒေါ်ခင်ကြည်သည် ဗိုလ်ချုပ်ကို အတွေ့မခံတော့ပေ။ ဆေးရုံက ဆင်းလို့ရပြီဖြစ်၍ ဗိုလ်ချုပ်သည်လည်း ဆေးရုံမှဆင်းကာ လွတ်လပ်ရေးတာဝန်များနှင့် မအားလပ်တော့ပေ။ ဒေါ်ခင်ကြည်နှင့်လည်း မဆုံဖြစ်တော့။

အချိန်အတော်ကြာပြီး တစ်နေ့ ညနေ ၅ နာရီခန့်တွင် ဗိုလ်ချုပ်သည် ဒေါ်ခင်ကြည်အား မိမိအိမ်သို့ ညစာစားရန် ထမင်းစားဖိတ်လေသည်။ ထိုည ထမင်းစားပွဲမှာ ဗိုလ်ချုပ်သည် ဒေါ်ခင်ကြည်အား လက်ထပ်ခွင့်တောင်းသည့် ပွဲပင်ဖြစ်သည်။ ဗိုလ်ချုပ်က အသက် ၂၇ နှစ် ဒေါ်ခင်ကြည်က ၃၁ နှစ်ဖြစ်နေပြီဖြစ်ရာ မငယ်ကြတော့။ ဒေါ်ခင်ကြည်သည်လည်း ဗိုလ်ချုပ်၏ သဘောထားကို ကောင်းစွာနားလည်သည့်အပြင် အခြေအနေအရပ်ရပ်ကို သဘောပေါက်ပြီးဖြစ်သည့်အလျောက် လက်ခံလိုက်လေသည်။

သို့ဖြင့် ၁၉၄၂ခုနှစ် စက်တင်ဘာလ ၂ရက်နေ့ နေ့လည် ၂နာရီတွင် ဗိုလ်ချုပ်နှင့် ဒေါ်ခင်ကြည်တို့မင်္ဂလာပွဲကို အလံပြဘုရားလမ်းရှိ ဆေးရုံမင်္ဂလာခန်းမ၌ ကျင်းပလေတော့သည်။

ref:ဗိုလ်ချုပ်အောင်ဆန်းအထ္ထပ္ပုတ္တိ
မဟာသီရိသုဓမ္မ ဒေါ်ခင်ကြည် – ဇေယျဇော်
Credit: ayesay.com

အောင်မြင့်မြတ်(Myanmar Youths)