သားသမီးထုအ​ပေါ်မိဘများ၏အနာဂတ်​ရင်းနှီးမြှုပ်​နှံမှု

ဆောင်းပါးရှင် - ကိုညီညီ (တောင်ကြီး)

မြန်မာနိုင်ငံအကြောင်း အထူးသဖြင့် ကိုယ့်မွေးရပ်မြေက မိတ်ဆွေဟောင်းတွေ သတင်းကို ကြားမိတိုင်း ကျွန်တော်ဟာဝမ်းသာရသလိုဝမ်းလည်းနည်းရတယ်။ သူတို့တတွေ တိုးတက်ချမ်းသာတော့ ကျွန်တော့် ရင်ထဲမှာကြည်နူးမိတယ်။ သူတို့သားသမီးတွေရဲ့ အနာဂတ်အတွက် အားတက်မိတယ်။ ဒါပေမဲ့ ကုန်သည် တစ်ယောက်အဖြစ် အသက်မွေးခဲ့တဲ့ ကျွန်တော်က အခုလိုခေတ္တအမေရိကားမှာ ဝန်ထမ်းတစ်ယောက် ဖြစ်နေ တော့ သုံးငွေနဲ့ရငွေကို ကိုယ့်လုပ်အားနဲ့ အားလပ်ချိန်တို့ကို အလုပ်လုပ်တဲ့ ကုမ္ပဏီမှာအပေါင်ထားရ သလိုဖြစ်နေတယ်။

ဒါကြောင့် သုံးငွေများသွားသလား၊ လကုန်မှဆပ်။ အကြွေးများနေလား၊ ခရက်ဒစ်ကဒ် ထုတ်သုံး။ မြန်မာ နိုင်ငံကလို ပိုက်ဆံပါမှ သုံးရသလို မဟုတ်တော့ ဘာဝယ်ဝယ် ပလတ်စတစ်ကဒ်ပြားဆွဲ ... ဒီလို Paycheck to Paycheck ဘဝထဲ ကြပ်တည်းစွာ မရောက်ရုံတစ်မယ်မို့ သက်သာတယ် လို့ ဆိုရပါမယ်။ တချို့များဆို ဒေါ်လာ (၄ဝဝ) လောက် လှည့်သုံးရဖို့အရေး တစ်လ (၂ဝ%) ပေးရတဲ့ အမြတ်ကြီးစားငွေတိုး ကုမ္ပဏီကနေ ငွေချေးကြ၊ ပြန်မဆပ်နိုင်တော့ ငွေတောင်းစာတွေကို လျစ်လျူရှု၊ အစောင်စောင်လာတဲ့ စာတွေကနေတစ်ဆင့် နောက်ဆုံး အရေးယူပါမယ်၊ နာမည်ပျက်စာရင်းသွင်းပါမယ်ဆိုတဲ့ စာတွေဆက်တိုက်လာစတဲ့ မရှိစုရှိစုဘဝထဲကို ကျွန်တော် မသက်ဆင်းရတာ တော်တော်ကံကောင်းတယ်လို့ ဆိုရမှာပါ။

ဒီဘက်နိုင်ငံကို မလာခင်တုန်းက ကိုညီညီ (တောင်ကြီး) ဆိုတာ ကုန်သည်လောကမှာ နာမည်တစ်လုံးနဲ့ပေါ့။ အခုအချိန်နဲ့တော့ ဆီနဲ့ရေလို ကွာသွားပြီထင်ပါတယ်။ အဲဒီတုန်းက ကျွန်တော်နဲ့ ပြိုင်ဘက်၊ လုပ်ဖော်ကိုင် ဘက်၊ အားကိုးဖော်ကုမ္ပဏီများဟာ အခုဆိုရင် တိုက်ဆို ဘယ်နှလုံး၊ ကုမ္ပဏီဆိုရင် ဘယ်ကုမ္ပဏီကို မေးတာလဲ၊ တိုက်ခန်းဆိုရင်လည်း ဘယ်နေရာမှာ ဆောက်ထားတဲ့ ဆိုင်ခန်းလဲလို့ ခွဲခွဲခြားခြား မေးယူရလောက်အောင် တိုးတက်ကြီးပွားလာကြတယ်။ 

တစ်ဖက်ကနေ ပြန်တွေးကြည့်တဲ့အခါ ...

သူတို့ရဲ့ သားသမီးတွေ သေးသေးလေးကနေ ကောလိပ်ကျောင်းအထိ နိုင်ငံခြားကျောင်းထားကြတယ်။ ဝင်ဒါမီယာထဲက အင်္ဂလိပ်ကျောင်းဆို တစ်နှစ်ကို ဒေါ်လာ (၁၇ဝဝဝ) ပေးရတယ်လို့ ဆိုလေတယ်။ အိမ် အတွက် ကားသမား ငှားထားတယ်။ ဘာဖြစ်လို့လဲဆိုတော့ ကိုယ်တိုင် ကျောင်းပို့ရင် ကားလမ်းပိတ်တာနဲ့တင် လမ်းမှာအချိန်ကုန်ပြီး အလုပ်လုပ် လို့ မရလို့ဆိုတာ သိရတယ်။ ကားသမားလခက (၂၅ဝဝဝဝ) တဲ့လေ။ ဒါတောင် ဈေးသက်သာပြီး ကိုယ်ကျင့်စာရိတ္တကောင်းလွန်းလို့ လူကောင်း ရထားတယ်လို့ ပြောတယ်။ တစ်ဖန် ဒီကားသမား အလုပ်မဆင်းခဲ့ရင် အရန်အနေနဲ့ လူငယ်လေးတစ်ယောက်ကို ထပ်ငှားထားရပြန်တယ် ... တစ်လ (၁၅ဝဝဝဝ) ကျပ်ပေးရတဲ့ စာတတ်ပေတတ် ခေတ်လူငယ်လေးပေါ့။

ဆိုင်အလုပ်နဲ့ အိမ်၊ အိမ်နဲ့ ကလေးကျောင်း၊ မနက်နဲ့ ညကြားမှာ ထမင်းဆိုတာ ဘယ်ချက်စားနိုင်ပါ့မလဲလို့လည်း ညည်းသံကြားရတယ်။ ဒါနဲ့ ညပိုင်းထွက်စားပြန်တော့ လမ်းတွေက ကားမရှင်းသေးဘူး။ ဒါနဲ့ ညပိုင်းမှာ ကုန်သည်ကိုယ်တိုင် အချိန်ထပ်ကုန်ရပြန်ရော။ ဒီတစ်ခါတော့ ကားပေါ်မှာ ကုန်ရတဲ့အချိန်ဟာ မိတ်ဆွေ တစ်ယောက်တည်း မဟုတ်တော့ ဘူး။ မိသားစုတစ်ခုလုံးရဲ့ အချိန်ဖြစ်နေပါပြီ။ 

ဒါနဲ့ စားပြီးသောက်ပြီး အိမ်ပြန်ရောက်၊ ကိုယ်လက်သန့်စင်၊ တီဗီကြည့်ဖို့ ဧည့်ခန်းမှာထိုင်ရင် ညအိပ်ချိန်နဲ့ ကပ်လာနေပြီ။ ဒီလိုနဲ့ သူတို့ ဖြတ်သန်းရတာက ကျွန်တော် အမေရိကားမှာတစ်ရက် (၈) နာရီဝန်ထမ်းဖြစ်တဲ့ ဘဝကမှ အားလပ်ချိန်ရှိဦးမယ် ... သူတို့က အချိန်ပြည့် ဥစ္စာ စောင့်အလုပ်သမားလို့ ပြောကြတယ်။

ရန်ကုန်မှာ ကျကျနန အိမ်တစ်လုံးပိုင်ဖို့ဆိုရင် သိန်းကိုသောင်းနဲ့ချီ မပေးရင်မရတော့ ရင်းနှီးလုပ်ကိုင်စားစရာ ငွေချန်ရသေးလို့ မဝယ်နိုင်သေး ဘူးလို့လည်း သိရတယ်။ ဒါနဲ့ နေ့စဉ်လုပ်ငန်းလုပ်ရင်းငွေကိုရှာ၊ ကလေးရဲ့ ပညာရေးကို ရင်းနှီးမြှုပ်နှံ၊ သွားရေးလာရေး - Commute အရ ကားလမ်းပေါ်မှာ အချိန်ကုန်နဲ့ မြန်မာနိုင်ငံက ဘဝကို ပြန်လည်မတမ်းတစမ်းပါနဲ့လို့ ပြောပြတဲ့ မိတ်ဆွေကို ကိုယ်ချင်းစာမိတယ်။ ချမ်းသာပေမယ့် မြန်မာ သားသမီးတွေကို နိုင်ငံတကာအမြင်ရရှိဖို့ တောင်ပံတပ်ပေးနေရတဲ့ သူတို့ရဲ့ဒုက္ခနဲ့ ကုန်ကျစရိတ်ကို ရိပ်စား မိတယ်။

ဒါနဲ့ ကျွန်တော်က ''မင်းတို့ ပိုက်ဆံရှိတာက ကြောက်စရာကြီး ... မြန်မာနိုင်ငံက လူတွေချမ်းသာတာကမှ တကယ်ချမ်းသာတာ'' လို့ ပြောတော့ သူက ဘဝင်မကျဘူး။ ''မဟုတ်ဘူးလေ ... မင်းက အမေရိကားမှာ ဝန်ထမ်းဖြစ်နေရပေမယ့် သားသမီးတွေကို ကမ္ဘာ့အဆင့်ပညာရေး နို့ရည်သောက်စို့ခွင့်ပေးထားပြီးပြီ။ တစ်ချိန်ချိန် သူတို့ကျောင်းပြီးတဲ့အချိန် ငါတို့က မြန်မာနိုင်ငံမှာ ရုန်းကန်နေရတုန်း ... မင်းက အေးအေး ဆေးဆေး ဖြစ်နေပြီ'' လို့ ရယ်သွမ်းပြီး ပြောပါတော့တယ်။

ကျွန်တော်နဲ့ ကျွန်တော့် မိတ်ဆွေတို့ရဲ့ တစ်ယောက်ကိုတစ်ယောက် ချီးမြှောက် - Appreciate လုပ်နေတာက ဘယ်သူမှန်သလဲဆိုတာ အချိန် တစ်ခုရောက်ရင် အဆုံးအဖြတ် ပေးသွားမယ်ဆိုတာ ကျွန်တော် သိပါတယ်။ ဒါပေမဲ့ လူဆိုတာ ကိုယ်မရတာကိုမှ ကောင်းတယ် လို့ထင်နေတတ်တဲ့ လောဘမသတ်နိုင်တဲ့ မောဟသတ္တဝါ မဟုတ်လား၊ ဒါကြောင့် နိုင်ငံ့အပြင် ထွက်ခွင့်မရသူက အမေရိကားရောက်နေသူကို သူတို့ဘဝက ကောင်းလိုက် တာလို့ ထင်မြင်ကြတယ်။ ဒီဘက်ခြမ်းနိုင်ငံမှာ ရုန်းကန်နေရသူက မြန်မာနိုင်ငံပြန်ပြီး အလုပ်လုပ်ချင်တယ်။ လူ့အလို နတ်မလိုက်နိုင်ပေမယ့် အချိန်ကကုစားဖို့ စောင့် နေပါလိမ့်မယ်။

တစ်ဆက်တည်း ကျွန်တော် တွေးကြည့်တယ်။ တွေးကြည့်တယ်ဆိုတာထက် ကျွန်တော် မျက်မြင်ကိုယ် တွေ့ဆိုတာက ပိုမှန်ပါတယ်။ ကလေးငယ်တက်ရတဲ့ အင်္ဂလိပ်ကျောင်းက ကျောင်းဆောင်သစ်ဆောက်ဖို့ မိဘတွေနားက ဒေါ်လာ (၅ဝဝဝ) ထပ်တိုး ကောက်ရဦးမှာတဲ့လေ။ ဒီငွေတွေက များလိုက်တာ။ 

ဆိုလိုတာက မိတ်ဆွေရဲ့ ကလေးအင်္ဂလိပ် ကျောင်းတစ်နှစ်ပြီးဖို့ မိဘရဲ့အစားအသောက်၊ ကျောင်းပို့၊ ကား၊ ဝန်ထမ်း၊ အချိန်စတဲ့ အား ထုတ်မှုတွေ မပါသေးဘူး ... တစ်လကို ဒေါ်လာ (၁၉ဝဝ) လောက် ကုန်နေတယ်။ အမှန်က ဒီလိုအခြေခံပညာရေး - Government Education  ဟာ အမေရိကားမှာ (၁၂) တန်းအထိ အခမဲ့လေ။ ဒါဆိုရင် ဘယ်သူ့ အဖြေ ပိုမှန်နေမလဲ၊

တစ်ဆက်တည်းမှာ ကုန်သည်မိဘတွေက တတ်နိုင်လို့ သားသမီးကို အမေရိကားကျောင်းပို့၊ ဘွဲ့ရ။ စင်္ကာပူ ပိုလီတက်ကနစ်ကျောင်းထား၊ ဘွဲ့ရ။ ဘုရားလည်းဖူး လိပ်ဥလည်းတူးရင်းကျောင်းပြီးလို့ အမေ့အိမ်ပြန်တဲ့အခါ အမေ့အတွက် ချွေးမနဲ့သားမက်တို့ကို အပါခေါ်လာလက်ဆောင် ပေးသေးတယ်။ ဒါနဲ့ မွေးရပ်မြေပြန်ရောက် တော့ တတ်ထားတဲ့ နိုင်ငံတကာ အဆင့်မီပညာရေးနဲ့ လုပ်စားဖို့၊ ထူထောင်ဖို့ မဖြစ်လာဘဲ မိဘလက်ငုတ်ရင်း အလုပ်ကိုပဲ ပြန်ဝင်လုပ်ကြတယ်။ 

ဒါဆိုရင် သားသမီးတွေကို ပြည်ပပို့ ပညာတော်သင်လွှတ်တာ တန်တယ်လို့ ယူဆရမလား မသိတော့ပါဘူး။ အမှန်က မိဘက ဒီလောက် အကုန်အကျခံ၊ အနစ်နာခံပြီးကမ္ဘာ့အပြင်ပို့ပြီး အတန်းပညာတွေ သင်ပေးခဲ့ရတာ သူတို့က အနည်းဆုံး မိဘထက်သာတဲ့လုပ်ငန်းတွေ၊ Startup  တွေ ထူထောင်နိုင်ပြီး ပညာနဲ့လုပ်စားနိုင်တဲ့ နိုင်ငံ့ အကျိုးပြုလူငယ်ထု အနေနဲ့ ရပ်တည်ရမှာမဟုတ်လား၊

နောက်တစ်ချက်တွေးစရာက မိတ်ဆွေရဲ့ကလေးက အဲဒီအင်္ဂလိပ် ကျောင်းပြီးရင် ( ၁၂ တန်းပြီးရင်လို့ ပြောတာဖြစ်လိမ့်မယ်) အနောက်နိုင်ငံကို ကျောင်းတက်ချင်တယ်တဲ့။ ဒါဆိုမဝေးလှတဲ့ အချိန်တစ်ခုမှာ ကျွန်တော်အခုရင် ဆိုင်နေရတဲ့ နယ်ဝေးမြေကွာရုန်းကန်နေရတဲ့ ဘဝကို မိတ်ဆွေတို့လင်မယားက တစ်ကပြန်စ ရတော့မှာပေါ့။ အဲဒီအချိန်ဆို  ကျွန်တော်သာ ကျန်းမာရေးကောင်းသေးရင် ကျွန်တော့် သားနဲ့သမီးတို့ ကျောင်း ပြီးလို့ အလုပ်ခွင်မှာ အဆင်ပြေနေလောက်ပြီ။ သူ့တို့ဘဝသူတို့ လျှောက်လှမ်းနေကြလောက်ပြီ။

ဒါဆိုသူတို့လို မြန်မာနိုင်ငံမှာ ကြီးမယ့်ပွားမယ့်အလုပ်အကိုင်နဲ့ ငွေကုန်ကြေးကျများတဲ့ အင်္ဂလိပ်ကျောင်းမှာ သားသမီးအတွက် ရင်းနှီးမြှုပ်နှံတာနဲ့ လုပ်လက်စအလုပ်တွေကို ပစ်ထားခဲ့ပြီး အမေရိကားမှာ ကျရာဝန်ထမ်း အလုပ်နဲ့ အသက်ဆက်ပြီး သားသမီးတွေကို အဆင့်မီပညာရေးစနစ် ပြေးလမ်းပေါ်တင်ပေးနေတဲ့ တောသား လေး ကျွန်တော့်ဘဝက ဘယ်သူမှန်နိုင်ပါသလဲ၊ ဘယ်ဆုံးဖြတ်ချက်က မှန်ကန်တဲ့ရင်းနှီးမြှုပ်နှံမှုဖြစ်ပြီး ဘယ် တစ်ယောက်ကတော့ဖြင့် လက်တွေ့မဆန်ဘဲဘဝနဲ့ရင်းပြီး အလောင်းအစားပြုမိနေသလဲဆိုတာ ကြိမ်ဖန်များစွာ စဉ်းစားမိတယ်။

လူဆိုတာ တစ်နေရာတည်းမှာ အမြဲမနေရသလို ကိုယ်ပိုင်ဆိုင်ချင်တာကိုလည်း အားလုံးအမြဲအမြံ မပိုင်နိုင် ပါဘူး။ ဒါကြောင့် ထောင်မြင်တဲ့အခါရာကို စွန့်သင့်စွန့်ရလိမ့်မယ်လို့ ကျွန်တော်ယူဆတယ်။ ဒါပေမဲ့ အနာဂတ်မှာ ဘဝလှလှများကို ပိုင်ဆိုင်ရမယ့် လူသားတွေထဲမှာ ကျွန်တော့် လိုလူအိုတွေပါဖို့ သေချာမယ်လို့ ပြောလို့ မရဘူး။ မျိုးဆက်သစ် လူငယ်တွေနဲ့သာ အရာရာကို ဦးဆောင်တဲ့ခေတ် ဖြစ်လာကြတော့မယ်။ 

ဒါကြောင့် ခေတ္တအမေရိကားရောက် တောသားလေးကျွန်တော်ဟာ ဒေါ်လာငွေများများ မရှာနိုင်ပေမယ့် သူတို့ပြောသလို သားသမီးအတွက် ကျွန်တော် ရင်းနှီးမြှုပ်နှံနေတယ်။ လူငယ်တွေအတွက် ကျွန်တော်အသိ ပညာဖြန့်ဝေနေတယ်။ မွေးကျေးဇူး အမိမြန်မာနိုင်ငံတော်အတွက် ကျွန်တော် မတတ်တစ်ခေါက် ဆောင်းပါး ဆက်ရေးနေပါတယ်။

ကျွန်တော်သိ၊ကျွန်တော်တတ်၍ ရေးသားခြင်းမဟုတ်ပါခင်ဗျာ။ ကျွန်တော်လေ့လာမိသမျှကို စာဖတ်သူများပြန်လည်လေ့လာမိစေရန် ပြန်လည်မျှဝေခြင်းသာဖြစ်ပါသည်။ ကျွန်တော့်ပို့စ်တစ်ခုချင်းစီအတွက် မူရင်းရေးသားသူများကို အထူးကျေးဇူးဥပကာရတင်ရှိပါတယ်ခင်ဗျာ။ အောင်မြင့်မြတ်(Myanmar Youths) Ph-09256480246