ဆင်းရဲသားမိသားစုက ပေါက်ဖွားလာတဲ့ (၁၃)နှစ်အရွယ် ကလေးငယ်တစ်
ယောက်ဟာ သူဌေးအိမ်တစ်အိမ်မှာ အိမ်ဖော်သွားလုပ်ခဲ့တယ်။ တစ်နေ့ည
နက်ချိန်မှာ ကလေးငယ်ဟာ အိမ်ကြီးရှင်သူဌေးမရဲ့ ဝတ်စုံတစ်စုံကို မီးပူ
တိုက်နေခဲ့တယ်။ အလုပ်ပင်ပန်းဒဏ်ကြောင့် ကလေးငယ်ဟာ မီးပူတိုက်
နေရင်း အိပ်ငိုက်ပြီး မတော်တဆ ရေနံဆီမီးခွက်ကို တိုက်လိုက်မိတယ်။
ရေနံဆီတွေဟာ သူဌေးမရဲ့ဝတ်စုံပေါ်ကျသွားခဲ့တယ်။
နောက်တစ်နေ့မှာ သူဌေးမ သိတော့ ကလေးငယ်ကို ဝတ်စုံဖိုးလျော်ခိုင်း
စေခဲ့တယ်။ ကလေးငယ် မလျော်နိုင်ခဲ့လို့ သူဌေးမက သူ့ဆီမှာ ဝတ်စုံဖိုး
အစား တစ်နှစ်ကျွန်ခံခိုင်းပြန်တယ်။ ကိုယ့်အမှားကြောင့် ကလေးငယ်ဟာ
တစ်နှစ်ကျွန်ခံလိုက်ရတယ်။ အမှားတွေ ထပ်မကျူးလွန်မိအောင် ရေနံဆီ
ပေသွားတဲ့ ဝတ်စုံကို ကိုယ့်ကုတင်ခေါင်းရင်းထက်မှာ ချိတ်ပြီး သူ့ကိုယ်သူ
သတိပေးခဲ့တယ်။
တစ်နေ့မှာ ဝတ်စုံပေါ်က ရေနံဆီပေခဲ့တဲ့နေရာဟာ ဆီမပေနေတော့တဲ့အပြင်
နဂိုရှိတဲ့မစင်ကြယ်တဲ့ ဂျေးတွေတောင် စင်ကြယ်သွားတာကို သူအမှတ်မထင်
မြင်လိုက်မိတယ်။ အဲဒီလိုနဲ့ သူ့မျက်လုံးတစ်ချက် ဝင်းလက်သွားပြီး ရေနံဆီထဲ
တခြားဓာတုပစ္စည်းတွေ ရောစပ်ပြီး အကြိမ်ကြိမ် စမ်းသပ်မှုတွေ ပြုလုပ်ခဲ့တယ်။
နောက်ဆုံးမှာ အဝတ်အခြောက်လျှော်ဆေးတစ်မျိုးကို သူစမ်းသပ်ထီထွင်နိုင်ခဲ့တယ်။
တစ်နှစ်နေပြီးနောက် သူဌေးအိမ်ကနေ သူခွာခဲ့ပြီး ကိုယ်ပိုင်အဝတ်အခြောက်
လျှော်ဆိုင်တစ်ဆိုင်ကို ဖွင့်နိုင်ခဲ့တယ်။ ဒါဟာ ကမ္ဘာ့ပထမ အဝတ်အခြောက်
လျှော်ဆိုင်ဖြစ်တယ်။ နောက်ပိုင်းမှာ ဆိုင်ခွဲပေါင်းများစွာ သူဖွင့်နိုင်တဲ့အထိ
သူအောင်မြင်ခဲ့တယ်။ အဲဒီကလေးငယ်ဟာ ပြင်သစ်နိုင်ငံက
Jean Baptiste Jolly ပဲဖြစ်တယ်။
ပုံပြင်လေးရဲ့ အဓိပ္ပာယ်က နက်နဲလွန်းလှတယ်။
ကံကြမ္မာမီးအိမ် သွန်မှောက်သွားသူတစ်ယောက်ဟာ မျက်စိရှေ့က မြင်မြင်
သမျှ အရာအားလုံး မှောင်အတိကျပြီး ရှေ့ဆက်မယ့်လမ်းတွေ ပျောက်သွား
တတ်တယ်။ ဒီလိုအချိန်မျိုးမှာ ရင်ထဲက မျှော်လင့်ချက်မီးအိမ်ငယ်ကို မငြိမ်းမိ
လိုက်စေနဲ့။ ကံကြမ္မာမီးအိမ် ဘယ်လောက်မှောက်မှောက် ရင်ထဲက
မီးအိမ်လေး မငြိမ်းသရွေ့၊ မျှော်လင့်ချက်တွေ မသွန်မှောက်မိသရွေ့
ဘဝရဲ့အလင်းရောင်ကို အသစ်တဖန်ပြန်ရှာနိုင်ပါတယ်။
Credit - Nine Nine Sanay
အောင်မြင့်မြတ်(Myanmar Youths)
0 comments:
Post a Comment