Wednesday, March 9, 2016

ကြောင်သူတော်ကြွက်သူခိုးဆိုတာဘယ်လိုမျိုးလဲ

လောကမှာ လူအမျိုးမျိုး စိတ်အထွေထွေ ဆိုတဲ့ စကားက 

အရမ်းမှန်ကန်ပါတယ်။ လူတစ်ယောက်ကို အပေါ်ယံကြည့်ရုံနဲ့ 

ဘယ်တော့မှ အတွင်းစိတ်ကို မသိနိုင်ပါဘူး။ လူတစ်ယောက် 

အကြောင်းကို သေသေချာချာ ပေါင်းကြည့်တဲ့ အခါမှ သူ့ရဲ့ 

ဟန်ဆောင်မှုတွေနဲ့ ဖုံးကွယ်ထားတဲ့ စိတ်နေသဘောထားက 

အတ္တကြီးပြီး ဟန်လုပ်တတ်တဲ့သူမှန်း သိလာစေပါတယ်။ 

လူတစ်ယောက်ဟာ ကြောင်သူတော် ကြွက်သူခိုးတစ်ယောက်မှန်း 

သိသာစေတဲ့ အချက်တွေကို ပြောပြရရင်တော့

၁) သူပြောတဲ့အတိုင်း ဘယ်တော့မှ မလုပ်ဘူး။ သူတို့က အမိန့်တွေ၊

အကြံဥာဏ်တွေပေးရတာကို နှစ်သက်ပေမဲ့ သူတို့ ပေးတဲ့အကြံ

အတိုင်းတော့ ဘယ်တော့မှ မလုပ်တတ်ပါဘူး။ ငါပြောသလိုလုပ် 

ငါလုပ်သလို မလုပ်နဲ့ဆိုတဲ့ လူစားမျိုးတွေ ဖြစ်ပါတယ်။

၂) ကိုယ့် အမှားကို အမြဲရှာပြီး ပြောနေတတ်တယ်။ သူတို့ကိုသူတို့ 

ပြီးပြည့်စုံအောင် တော်တဲ့သူတွေလို့ထင်အောင် လုပ်တတ်ပြီး သူများ

အပြစ်ကို အမြဲရှာဖွေတတ်တယ်။ ဘယ်လောက်သေးငယ်တဲ့

အမှားဖြစ်ပါစေ ပုံကြီးချဲ့ပြီး ပြောတတ်တယ်။

၃) စည်းမျဉ်း ဥပဒေတွေကို ဘယ်တော့မှ မလိုက်နာတတ်ဘူး။ 

သူတို့ကို သူတို့ ဥပဒေရဲ့ အထက်မှာရှိတဲ့သူလို့ အမြဲထင်တယ်။ 

စည်းကမ်းချက်တွေ ထုတ်တတ်ပြီး ဒီစည်းကမ်းချက်တွေက သူတို့

လိုက်နာဖို့ မဟုတ်ဘဲ ကိုယ်လိုက်နာဖို့ပဲ ထုတ်ထားတဲ့ စည်းမျဉ်း

တွေ ဖြစ်တတ်တယ်။

၎)သူတို့ပဲ အမြဲခံရတဲ့သူတွေ ဖြစ်အောင် လုပ်ပြတတ်တယ်။ 

သူတို့အမှားလုပ်ပြီး သူတို့ပဲ ခံရတဲ့သူတွေဖြစ်သလိုလို ဇာတ်နာအောင် 

လုပ်တတ်တာ မာယာများတဲ့ လူတွေရဲ့ အကျင့်ပဲ ဖြစ်ပါတယ်။သူတို့ 

ဘယ်လောက်မှားမှား တခြားတစ်ယောက်ကို အပြစ်ပုံချပြီး 

ကိုယ်လွတ်ရုန်းတတ်တယ်။

၅) သူတို့က အားလုံးထက် သာလွန်ထက်မြက်နေတဲ့ ပုံစံမျိုး 

လုပ်တတ်တယ်။ သူများကို နှိမ့်ချပြောဆိုတတ်ပြီး အထင်မကြီး

တတ်ဘူး။ ကိုယ့်ဂုဏ်ကိုယ်ဖော်ပြီးအမြဲ ပြောဆိုတတ်တယ်။ကိုယ်က

လွဲရင် တခြားသူတွေက ဘာမှအရေးမပါဘူးလို့ ယူဆထားတတ်တယ်။


Credit - Trend Myanmar




အောင်မြင့်မြတ်(Myanmar Youths)

Myanmar Youths Technology Group

Lorem ipsum dolor sit amet, consectetur adipisicing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation.

0 comments:

Post a Comment

 

Copyright @ Myanmar Youths