ပခုံးတစ်ဖက်တော့လိုတယ်

မေမေက “လူရဲ့ ခန္ဓာကိုယ် အစိတ်အပိုင်း တွေမှာ ဘာက အရေးအကြီးဆုံးလဲ” လို့ ကျွန်မကို မေးလေ့ရှိတယ် …

နှစ်တွေ တော်တော်လေး ကြာလာတော့ အဖြေကို ကျွန်မ ခန့်မှန်းမိလာတယ် .. အဲဒါနဲ့ … ကျွန်မငယ်ငယ်တုန်းက ထင်တာတော့ အသံက လူ့ခန္ဓာကိုယ်မှာ အရေးကြီးဆုံးထင် တယ် .. ဒါကြောင့် အရေးကြီးဆုံးက “နား” ပါ မေမေ လို့ ဖြေလိုက်ပါတယ် … ။

မေမေက “မဟုတ်သေးဘူး … နားမကြားတဲ့ လူတွေ အများကြီးရှိတယ်လေ …. ဆက်ပြီး စဉ်းစားဦး နောက်မှ ထပ်မေးမယ်” လို့ ပြောပါတယ် … ။

နှစ်တွေ တော်တော် ကြာလာတော့ … မေမေက အဲဒီမေးခွန်းကို ထပ်မေးပြန်ပါတယ် … ပထမ တစ်ကြိမ် ဖြေပြီးကတည်းက အဲဒီမေးခွန်းရဲ့ အဖြေကို လေးလေးနက်နက် ဆက်စဉ်းစားခဲ့တယ် … ။

ဒါနဲ့ … ဒီတကြိမ်မှာတော့ “အမြင်ကလည်း အရေးကြီးတာပဲ … မျက်လုံးက အရေးကြီးဆုံးပဲ လို့ ” ဖြေလိုက်ပါတယ် … ။

မေမေက ကျွန်မကို ကြည့်ပြီးတော့ “တော်တော်ကို မြန်မြန်ဆန်ဆန် လေ့လာနိုင်တာပဲ … ဒါပေမယ့် အဖြေမှန်တော့ မဟုတ်သေးဘူး … မျက်စိမမြင်တဲ့ သူတွေလည်း လောကကြီးမှာ အများကြီး ရှိတာပဲ” လို့ မေမေက ပြောပြန်ပါတယ် … ။

ကျွန်မလည်း လေးကန်တဲ့ ခြေလှမ်းတွေနဲ့ မေမေ့ ရှေ့ က ထွက်လာခဲ့ပါတယ် … ။

ကျွန်မလည်း အဲဒီ မေးခွန်းရဲ့ အဖြေကို စဉ်းစားပါတယ် … အမေကလည်း ၂ ကြိမ် … ၃ ကြိမ် လောက် ထပ်မေးပါသေး တယ် … ၊ ဖြေလိုက်တိုင်းလည်း မမှန်ခဲ့ပါဘူး … ။ “သမီးလေးက တစ်နှစ်ထက် တစ်နှစ် ပိုပိုပြီးတော့ တော်လာတယ်” လို့တော့ ကျွန်မကို နှစ်သိမ့်ပါတယ် … ။

ဒီလိုနဲ့ တစ်နေ့မှာတော့ အဖိုးက ဆုံးသွားပါတယ် … မိသားစုတွေ အားလုံး ကြေကွဲ ခံစားရပါတယ်။ မိသားစုတွေ အားလုံး ငိုကြပါတယ် … မေမေလည်း ငိုနေသလို … ဖေဖေလည်း ငိုနေတယ် … ။

အဖိုးကို နောက်ဆုံး နှုတ်ဆက်ရမယ့် အချိန်မှာ မေမေက ကျွန်မကို ကြည့်ပါတယ် … ပြီးတော့ “သမီး … လူတွေအတွက် အရေးအကြီးဆုံး အစိတ်အပိုင်းကို သိပြီလား” လို့ မေးပြန်ပါတယ် … ။

ကျွန်မ ခေါင်းခါပြလိုက်ပါတယ် … ကျွန်မထင်ခဲ့တာ ဒါဟာ မေမေက ကျွန်မကို ကစားတဲ့ အနေနဲ့ပဲ မေးခဲ့တဲ့ မေးခွန်းလို့ ထင်ခဲ့တယ် … ။

ဒီအချိန်မှာ ဘာကြောင့်ထပ်မေးလဲ ဆိုတာကိုလည်း နားမလည် နိုင်ဘူး ... ။

ကျွန်မစိတ်တွေလှုပ်ရှားပြီး ကယောက်ကယက် ဖြစ်နေတာကို ကျွန်မရဲ့မျက်နှာမှာ ပေါ်လွင် နေတယ် …

“ဒီမေးခွန်းက တကယ်ကို အရေးကြီးတယ် … သမီးလေးက မေမေ့ကို နား … မျက်လုံး စသည်ဖြင့် အဖြေတွေ ပြောခဲ့တယ် … အဖြေတွေကိုလည်း မှားတယ် လို့ ပြန်ပြောခဲ့တယ် …ခုတော့ ပြောပြတော့မယ် … ၊ ဘာကြောင့်လဲ ဆိုတော့ ဒီနေ့မှာ သမီး အတွက် အရေးကြီးတာကို ပြောပြချင်လို့ပဲ …”

အမေက မိခင်တစ်ယောက်ရဲ့ ချစ်ခြင်းမေတ္တာတွေနဲ့ ကျွန်မကို ငုံ့ကြည့်တယ် … အမေ့ မျက်ဝန်းထဲက မျက်ရည်တွေကို ကျွန်မ မြင်နေရတယ် … ။

“အရေးအကြီးဆုံး ခန္ဓာကိုယ် အစိတ်အပိုင်းက ပခုံး ပဲ … သမီး” လို့
အမေက ပြောပါတယ် … ။

“ဘာကြောင့်လဲ မေမေ … ပခုံးက ခေါင်းကို ထောက်ပံ့ပေးထားလို့လား” လို့ ကျွန်မ ပြန်မေးလိုက် ပါတယ် .. ။

“မဟုတ်ဘူး … ပခုံးဆိုတာ … သမီးရဲ့ သူငယ်ချင်း … ဒါမှမဟုတ် … ချစ်ခင်ရသူ … တစ်ယောက် ယောက် ဝမ်းနည်းကြေကွဲပြီး ငိုကြွေးနေတဲ့ အချိန်မှာ ထောက်ပံ့ ပေးထားနိုင်တယ် … ၊

လူတိုင်းဟာ ငိုကြွေးဖို့ အတွက် ပခုံးတစ်ဖက်တော့လိုပါတယ် … တခါတလေ သမီးရဲ့ ဘဝမှာ ငိုကြွေးဖို့ အတွက် လိုအပ် လာတဲ့အခါ … ပခုံးတစ်ဖက်တော့ အမြဲတမ်း ရှိနေဖို့ မျှော်လင့်တယ်” လို့ အမေက ပြောပါတယ် … ။

အဲဒီတော့မှ ကျွန်နားလည်သွားတယ် .. ပခုံးက အရေးကြီးဆုံးဆိုတာ တစ်ကိုယ်ကောင်း မဆန်ဖို့ … အဲဒီပခုံးက ကိုယ့်အတွက် မဟုတ်ဘဲ သူများအတွက် ဆိုတာကို သိသွားတယ် … ၊ ဒါဟာ သူတပါးရဲ့ နာကျင် ခံစားမှုတွေ အတွက် … ကိုယ်ချင်းစာပေးဖို့ပါပဲ …

လူတွေဟာ ကိုယ်ပြောခဲ့တဲ့ အရာတွေကို မေ့ကောင်း မေ့သွားနိုင်ပါတယ် …

လူတွေဟာ ကိုယ်လုပ်ပေးခဲ့တဲ့ အရာတွေကို မေ့ကောင်း မေ့သွားနိုင်ပါတယ် …

ဒါပေမယ့် သူတို့ နာကျင်ကြေကွဲ ခံစားနေတဲ့ အချိန်မှာ ရှိနေပေးတဲ့ ပခုံးတစ်ဖက်ကိုတော့ ဘယ်တော့မှ မမေ့နိုင်ကြပါဘူး ….

ဒါကြောင့် … လူတိုင်းဟာ တစ်နေ့နေ့ တစ်ချိန်ချိန်မှာ ပခုံးတစ်ဖက်တော့ လိုအပ်လာပါလိမ့်မယ် …

(အင်တာနက်မှာ ဖတ်ရတဲ့ စာစု တစ်ခုကို ဆီလျော်အောင် ခံစား ရေးသားပါတယ် … ။)

ဒါနဲ့ပတ်သက်လို့ သတိရမိတဲ့ စကားစုလေး တစ်ခုနဲ့ အဆုံးသတ်လိုက်ပါတယ် …

“It’s during the worst storms of your life that you will get to see the true colors of the people who say they care about you.”

မေတ္တာဖြင့်

Credit : အောင်ကိုဦး(UMK)

ကျွန်တော်သိ၊ကျွန်တော်တတ်၍ ရေးသားခြင်းမဟုတ်ပါခင်ဗျာ။ ကျွန်တော်လေ့လာမိသမျှကို စာဖတ်သူများပြန်လည်လေ့လာမိစေရန် ပြန်လည်မျှဝေခြင်းသာဖြစ်ပါသည်။ ကျွန်တော့်ပို့စ်တစ်ခုချင်းစီအတွက် မူရင်းရေးသားသူများကို အထူးကျေးဇူးဥပကာရတင်ရှိပါတယ်ခင်ဗျာ။ အောင်မြင့်မြတ်(Myanmar Youths) Ph-09256480246