မြန်မာတွေအချိန်ပေါနေပါသလား

 Voice Weekly ရဲ့ Facebook ပေါ်မှာတွေ့မိလိုက်တာပါ။ ဟုတ်ပါတယ်။ အမှန်တကယ်ကို
လည်းမြန်မာလူငယ်တော်တော်များများကိုတွေ့ရတာ အချိန်တွေပိုနေသလိုပါပဲ။ အဲ့ဒိလိုအချိန်ဖြုန်းတယ်လို့
ပြောရင် ဆင်ခြေတွေတပုံတပင်ကြီးပေးမယ့်သူတွေကလည်း အသင့်ရှိနေပါတယ်။ အစိုးရမကောင်းလို့
ပညာရေးမကောင်းလို့၊ ကားလမ်းကျပ်လို့ စသဖြင့်ပေါ့။ အဲ့ဒါတွေက မမှန်ဘူးလားဆိုတော့ မှန်ပါတယ်။
ဒါပေမယ့် လူပျင်းတစ်ယောက်ဖြစ်သွားစေလောက်အောင် ခိုင်မာတဲ့အကြောင်းပြချက်တွေတော့မဟုတ်ပါ
ဘူး။ အဲ့ဒိလိုအနေအထားနဲ့ အောင်မြင်အောင်ကြိုးစားခဲ့တဲ့သူတွေလည်း အများကြီးရှိနေပါတယ်။

နိုင်ငံကျော်၊ကမ္ဘာကျော်တော်တော်များများရဲ့နောက်ခံသမိုင်းကြောင်းကို ပြန်လေ့လာကြည့်လိုက်ပါ။
ငယ်ငယ်က ချို့ချို့တဲ့တဲ့နေခဲ့ရတဲ့သူတွေ၊ ပညာမသင်ခဲ့ရတဲ့သူတွေ၊ အနှိမ်ခံခဲ့ရတဲ့သူတွေ စသဖြင့်တပုံ
တပင်ကြီးရှိပါတယ်။ ဘေလ်ဂိတ်ပြောဖူးတဲ့စကားရှိပါတယ်။ ချို့ချို့တဲ့တဲ့နဲ့မွေးဖွားလာတာ သင့်အပြစ်
မဟုတ်ပါဘူး။ ချို့ချို့တဲ့တဲ့နဲ့သေသွားရင်တော့ သင့်အပြစ်ပါတဲ့။ ကမ္ဘာ့အချမ်းသာဆုံး သူဌေးတစ်ယောက်
ဖြစ်တဲ့သူ့ရဲ့ ခံယူချက်က သူ့စကားမှာ ထင်ဟပ်နေပါတယ်။ ဒီတော့ သင့်မှာရော အခွင့်အရေးမရှိဘူးလား?
သင့်မှာလည်း အခွင့်အရေးအပြည့်အဝရှိပါတယ်။ အသက်အရွယ်မရွေးပါဘူး။ သင့်မှာကြိုးစားချင်တဲ့စိတ်
ဓာတ်ရှိဖို့ပဲလိုတာပါ။

မြန်မာလူငယ်တော်တော်များများကိုကြည့်လိုက်ရင် ဖုန်းတစ်လုံး၊ ရည်းစားတစ်ယောက်နဲ့ပဲအလုပ်ရှုပ်နေ
ကြတာတွေ့ရပါတယ်။ ဒါမှမဟုတ်ရင် ဒိုတာဆော့မယ်၊ ဒါမှမဟုတ်ရင် ကလပ်သွားမယ်၊မာဆတ်သွားမယ်။
စသဖြင့် အစုံပါပဲ။ အဲ့ဒါတွေကိုမလုပ်နဲ့လို့ မဆိုလိုပါဘူး။ လူဆိုတာ အပန်းဖြေသင့်တဲ့အချိန်နဲ့ ကိုယ့်ကိုယ်
ကိုတိုးတက်အောင်လုပ်ရမယ့် အချိန်တော့ခွဲခြားတတ်ရပါမယ်။ အဲ့ဒိလို စိတ်အလိုလိုက်ခဲ့တာတွေ တစ်ချိန်
ကျရင် ကျိန်းသေပေါက်နောင်တရမှာပါ။

စာဖတ်ပါ။

ကားပေါ်မှာ စောင့်တာဖြစ်ဖြစ်၊ ရထားပေါ်မှာ အကြာကြီးစီးရတာဖြစ်ဖြစ် သင်စာအုပ်တစ်အုပ်ဖတ်လို့ရပါ
တယ်။ စာဖတ်ခြင်းက သင့်ရဲ့အတွေးတွေကိုလည်း တိုးတက်စေပြီး သင့်ရဲ့စဉ်းစားဆင်ခြင်ဥာဏ်ကိုလည်း
တိုးတက်စေပါတယ်။ အကျိုးဆက်အားဖြင့် သင့်ရဲ့ဆုံးဖြတ်ချက်တွေလည်း အရင်ကထက်မှန်ကန်လာပါ
လိ့မ်မယ်။ စိတ်အားတက်ကြွမယ့်စာတွေကိုလည်းများများဖတ်ပေးပါ။ ကမ္ဘာကျော်ပုဂ္ဂိုလ်တွေရဲ့ ကြိုးစားခဲ့
ပုံတွေကိုဖတ်ပါ။

ဘာသာစကားလေ့လာပါ။

ဘာသာစကားတစ်ခုခုကိုလေ့လာလို့ရပါတယ်။ ဘာသာစကားတစ်ခုခုကို ပိုင်နိုင်ကျွမ်းကျင်ဖို့ တစ်နှစ်
လောက် အင်ပြည့်အားပြည့်လေ့လာလိုက်ရင်ရပါတယ်။ အဲ့ဒိအကျိုးကျေးဇူးကတော့ သင့်ဘဝတစ်ခုလုံး
အထင်ကြီးတဲ့ မျက်လုံးတွေကို တွေ့ကြုံရပါလိမ့်မယ်။ အဲ့ဒိဘာသာစကားကြောင့် အလုပ်အကိုင်ကောင်း
တွေပိုင်ဆိုင်နိုင်ပါလိမ့်မယ်။ အလုပ်အကိုင်ကောင်းတွေနဲ့အတူ သာယာတဲ့ဘဝလေးကိုလည်း ပိုင်ဆိုင်ဖို့
အလားအလာပိုရှိပါတယ်။


ရုပ်ရှင်ကြည့်ပါ။

ရုပ်ရှင်ကြည့်တာကို အချို့ကဖျော်ဖြေရေးတစ်ခုလို့သာ မြင်ကြပါတယ်။ ဒါပေမယ့် ရုပ်ရှင်ဆိုတာ
ဖျော်ဖြေရေးတစ်ခုထက်ပိုပါတယ်။ ရုပ်ရှင်တွေမှာ ယူတတ်တဲ့လူတစ်ယောက်အတွက်ရနိုင်စရာတွေ
အများကြီးရှိနေပါတယ်။ ခပ်ပေါပေါ မြန်မာကားတွေ၊ အချစ်အကြောင်းပဲ တစ်ချိန်လုံးရိုက်နေတဲ့
ကိုရီးယားကားတွေကိုတော့ ကျွန်တော်မညွှန်းပါဘူး။ဟောလိဝုဒ်၊ ဘောလိဝုဒ်တို့ကတကယ်ဗဟုသုတ
ရပြီး စိတ်အားတက်ကြွမယ့် ရုပ်ရှင်မျိုးတွေများများကြည့်ပါ။


စာရေးပါ။

စာရေးတာဝါသနာပါရင် စာရေးကြည့်ပါ။ ဘာပဲဖြစ်ဖြစ်ရေးပါ။ ကဗျာပဲဖြစ်ဖြစ်စာပဲဖြစ်ဖြစ်ရေးပါ။ ပြီးရင်
Facebook Page လေးတစ်ခုလောက်လုပ်ပြီး တင်ကြည့်ပါ။ သင့်အရေးအသားတွေကိုအားပေးသူတွေ
ရှိလာတဲ့အခါ သင်ခံစားရတဲ့ ခံစားချက်ကို ဘာနဲ့မှလဲချင်မှာမဟုတ်ပါဘူး။

ကျန်းမာရေးဂရုစိုက်ပါ။

ကျန်းမာရေးအတွက်အချိန်ပေးပါ။ Gym သွားဖို့အားရင် Gym သွားဆော့ပါ။ ရေကူးပါ။ အားကစား
တစ်ခုခုကိုလုပ်ပါ။ နောက်ဆုံးမအားရင် ညနေဘက်လောက် ကိုယ့်အိမ်မှာပဲ အပေါ့စားလေ့ကျင့်ခန်း
တွေလုပ်ပါ။ ဘဝဆိုတဲ့ခရီးရှည်ကြီးကို  ကျန်းကျန်းမာမာ စိတ်လက်ချမ်းသာစွာနဲ့ ဖြတ်သန်းချင်ရင်
တော့ သင့်ရဲ့ခန္ဓာကိုယ်ကို ဂရုစိုက်ပါ။

မအားဘူးလို့ ဆင်ခြေမပေးပါနဲ့။ သင်အားပါတယ်။ မအားချင်ယောင်ဆောင်နေတာပါ။ အားအောင်
လုပ်ရင် အားကိုအားပါတယ်။ အချိန်ဖြုန်းနေတဲ့လူငယ်တွေရှိရင်လည်း ပြန်ပြင်ဖို့ နောက်မကျသေး
ပါဘူး။ ရည်စားထားပါ။ ဂိမ်းဆော့ပါ။ ဘာပဲလုပ်နေ လုပ်နေ တစ်နေ့နောင်တပြန်ရမယ့် အလုပ်မျိုး
မလုပ်မိပါစေနဲ့။

မိုးရှင်း (I.M.T)

အောင်မြင့်မြတ်(Myanmar Youths)