ပညာယူဖို့လူငယ့်ထံက နားထောင်စို့

ဆောင်းပါးရှင် - ကိုညီညီ (တောင်ကြီး)

''ပထမကမ္ဘာစစ်ကြီးပြီးတဲ့အခါ နိုင်ငံတွေကစစ်ဖြစ်မယ့်အရေးကို ကြိုတွေးပြီး ငြိမ်းချမ်းစွာ ဖြေရှင်းနိုင်အောင် နိုင်ငံပေါင်းချုပ် အသင်းကြီး - League of Nations  ကို ဖွဲ့ခဲ့တယ်။ ဒီအဖွဲ့ဖြစ်တည်ပြီး မကြာခင် ဂျပန်က တရုတ်ပြည်ကို ကျူးကျော်ပါတော့တယ် ...''

''နိုင်ငံတွေ စုထားပြီး ဝိုင်းဆုံးဖြတ်ပေမယ့် ဒီအသင်းကြီးက သြဇာအာဏာမရှိခဲ့ဘူး။ ဒါကြောင့် ဂျပန်ရဲ့ကိုလိုနီ ချဲ့မှုကို မရပ်ရင် အဖွဲ့ကနေ ထုတ်ပစ်မယ်လို့ အကြပ်ကိုင်ခဲ့တယ်။ ဂျပန်ကလည်း ဆာလောင်သူကိုလို နီနိုင်ငံ ဖြစ်ရုံမက စစ်သွေးကြွ ဖက်ဆစ်စိတ်ဓာတ်ရှိတဲ့အခါ ဆက်တိုက်မယ် ...တစ်ဆက်တည်း အဖွဲ့ထဲကထွက်မယ် ... ဆိုပြီး ဖြစ်လာတယ် ...''

''ဒီကနေ နိုင်ငံပေါင်းချုပ်အသင်းကြီးကနေ ဂျပန်ထွက်သွားပြီးတဲ့နောက် တရုတ်ပြည်ကို အောင်မြင်စွာ သိမ်းယူတယ်။ အခုလို သြဇာအာဏာမရှိတဲ့ နိုင်ငံစုပေါင်းအသင်းကြီးကနေ သင်ခန်းစာယူနိုင်ခဲ့လို့ ကမ္ဘာ့ ကုလသမဂ္ဂ - United Nations ဆိုတာကို စစ်နိုင်တဲ့နိုင်ငံတွေ ဦးဆောင်ပြီး ဖွဲ့နိုင်ခဲ့ကြတယ်။ ဒါဟာ သမိုင်းက ပေးတဲ့ အမှားဒဏ်ချက်တွေကို ကောင်းမွန်စွာပြုပြင်နိုင်ခဲ့ ကြလို့ပါပဲ ...''

သူ စကားပြောတာ မဆုံးခင်လေးမှာ တစ်ဖက်စားပွဲခုံမှာ စားနေတဲ့ ဦးလေးတစ်ယောက်က ထပြီးမေးတယ် ''မင်းအသက် ဘယ်လောက်ရှိပြီ လဲ'' တဲ့ ...။

''(၁၅) နှစ်'' သူက ပြန်ဖြေတယ်။

အဲဒီဦးလေးဟာ (၁၅) နှစ်ကောင်လေးက ဘေးခုံမှာချထားတဲ့ လက်ကိုင်ဖုန်းကို ခွင့်ပြုချက်မတောင်းဘဲ လှမ်းကောက်လိုက်ရင်း ...

''အခုခေတ်လူငယ်တွေဟာ ဆဲလ်ဖုန်းပေါ်မှာပဲ အချိန်ကုန်ကြတယ်။ သူ့လိုသမိုင်းအကြောင်းကို ဆွေးနွေးကြဖို့ စိတ်မပါကြဘူး။ သား ... ဒါတွေကို ဘယ်ကနေ သင်ခဲ့တာလဲ ...''

''သား ... ကျောင်းက သင်တာပါ။ အရင်နှစ်တုန်းက အဆင့်မြင့် သမိုင်းအတန်း - AP World History Class ယူခဲ့တယ်။ အခုဒီနှစ်မှာတော့ အမေရိကန်သမိုင်း - U.S History ယူထားပါတယ်''လို့ (၁၅) နှစ်သားက ပြန်ဖြေတယ်။

''အဲဒါ ပြောတာပေါ့။ လူငယ်ချင်းတူပေမယ့် အတွေးအခေါ်ချင်းကွာတယ်ဆိုတာ ... သားက ရှေ့နေလုပ်ရင်လုပ် ... မဟုတ်ရင် နိုင်ငံရေး သမားလုပ်ဖို့ ကောင်းတယ် ...''

''ဒီလို သင်ယူတဲ့သူဟာ မြန်မြန်ရင့်ကျက်မယ်။ အမှားနည်းမယ်။ ဒါမှ နိုင်ငံအရေးကို တွေးခေါ်တတ်တဲ့ လူတော်လူကောင်းတွေဖြစ်ကြမှာပေါ့။ ခင်ဗျားတို့ သားအတွက် ဂုဏ်ယူတယ်ဗျာ ..'' လို့ အဲဒီဦးလေးက ဆက်ပြောပါတယ်။

အဲဒီဦးလေးဟာ ကျေနပ်စွာနှုတ်ဆက်ရင်း လက်ထဲမှာ အိမ်အတွက် ပါဆယ်ထုတ်လေးကိုဆွဲ၊ နောက်လက် တစ်ဖက်က သူ့ဇနီးလက်ကိုတွဲရင်း ထိုင်းစားသောက်ဆိုင်ကနေ ထွက်ခွာသွားပါတော့တယ်။

ကြုံခဲ့ရတဲ့ ဒီအကြောင်းလေးက ချစ်သူများနေ့ - Valentine's Day  က ထိုင်းစားသောက်ဆိုင်ကို ကျွန်တော်တို့ ဇနီးမောင်နှံနှစ်ယောက်တည်း စုံတွဲမခုတ်ဘဲ 'စွမ်း' ကို အပါခေါ်လာပြီး မိသားစု စားသောက်ကြတုန်းက ဖြစ်ပျက်ခဲ့တာပါ။ ဘေးခုံမှာ ကျွန်တော့်ထက် အသက်နည်းနည်းကြီးတယ် လို့ ယူဆရတဲ့ ဇနီးမောင်နှံကလည်း ကြိုရောက်ပြီးစားသောက်နေပါတယ်။

ကျွန်တော်တို့ မိသားစုဟာ Facebook User တို့၏ ရှိသင့်သော ဝိနည်းများအတိုင်း ဖုန်းနဲ့ အစားအသောက် ပုံရိုက်လိုက်၊ တစ်ယောက်ပန်းကန်ထဲက တစ်ယောက် နည်းနည်း နှိုက်စားလိုက်၊ ချစ်ခင်ကြင်နာစွာ စကား ပြောလိုက် လုပ်နေရင်း ကျွန်တော်က ခါးပတ်အိပ်ထဲက လက်ကိုင်ဖုန်းကို ထုတ်ကိုင်ဟန်ပြင်လိုက်တဲ့အခါ ...

''အစားစားနေတုန်း ဖုန်းမသုံးရ'' လို့ အမိန့်သံ ထွက်လာပါတယ်။ 'စွမ်း' က ပြောတာပါ။

ဒါကို ဘေးကလူကြီးက ကြားသွားပြီး နောက်ပိုင်းတောက်လျှောက် 'စွမ်း'ပြောသမျှကို နားစွင့်နေပါတယ်။ 'စွမ်း' ကလည်း ဒီနေ့မှ စကားပြောရတာ အာသွက်နေပုံရပါတယ်။ တစ်ဆက်တည်းမှာ ကျွန်တော်နဲ့ အင်္ဂလိပ်လို ပြောရင်း ကမ္ဘာ့သမိုင်းအကြောင်း ရောက်သွားတုန်းက သူ့စကားအချို့ကို ဆောင်းပါးထိပ်ပိုင်းမှာ ရေးပြထား ပါတယ်။

အဖေလုပ်တဲ့ ကျွန်တော်ကလည်း သင်ရမယ်ဆိုရင် လူကြီးလူငယ် မရွေးတဲ့သူပါ။ 'စွမ်း' သူ့ဘာသာသူ ကျောင်းက သင်လာတာမကလို့ အင်တာနက်က ဖတ်တာရော၊ ဖတ်စာအုပ်ထဲကရော၊ အိမ်စာထဲကရော၊ အတန်းထဲမှာ ဆွေးနွေးသမျှကို ကိုယ်သိထားတဲ့ဗဟုသုတနဲ့ ယှဉ်ပြီး Update  လုပ်ဖို့ရာ သူပြောတိုင်း နား ထောင်ဖြစ်ပါတယ်။ ဒါကြောင့်ပဲ 'စွမ်း' ဟာ ပြောရင်းပြောရင်းအရှိန်ရလာပြီး ကျွန်တော်တို့ရဲ့ စကားဝိုင်းက ဘေး ခုံက ဦးလေးရဲ့အာရုံကို ဖမ်းစားမိသွားဟန်တူပါတယ်။

ဒီအခါမှာ အဲဒီဦးလေးဟာအစားစားရာကနေ စိတ်မဖြောင့်ဘဲ ကမ္ဘာ့သမိုင်းအကြောင်းအားရပါးရ ဋီကာချဲ့ပြော နေတဲ့ 'စွမ်း' နဲ့ ကျွန်တော်တို့ သားအဖကို မကြာခဏ လှည့်လှည့်ကြည့်နေတာ ကျွန်တော့်မျက်လုံး ထောင့် ကနေ သတိထားမိပြီးသားပါ။

ဒါပေမဲ့ အခုလို ထနှုတ်ဆက်ပြီး ကလေးကို ချီးကျူးစကားဆိုရုံမက အမေရိကန်နိုင်ငံမှာ အချိန်ကို ဒီလိုအကျိုး ရှိရှိ အသုံးချတတ်တဲ့ လူငယ်ကျောင်းသားလေးတွေ ရှိသင့်တယ်ဆိုတဲ့အကြောင်း ကျွန်တော်တို့ သားအဖကို လာရောက်သင်ကြားပေးတာနဲ့ အတူတူပါပဲ။

ဒီနိုင်ငံမှာ သားသမီးနဲ့မိဘ အခြေအတင်ကိစ္စမျိုးဆိုတာ မရှိမဟုတ် အမြဲရှိပါတယ်။ လွတ်လပ်မှုကိုအခြေခံတဲ့ ဆွေးနွေးမှုဟာ မိသားစုတိုင်းမှာ အစဉ်ကိန်းအောင်းနေတတ်တာမျိုး မဟုတ်ပါဘူး။ ဒီလိုပဲ မိဘစကား ကို သားသမီးက အမြဲနားမထောင်သလို ပိုဆိုးတာကသားသမီးတွေရဲ့ စကား၊ သားသမီးတွေရဲ့ခံစားချက်ကို မိဘက လုံးဝနားမထောင်ပေးတာပါ။

အထူးသဖြင့် မအားကြတာက အဓိကအကြောင်းရင်း ဖြစ်ပါလိမ့်မယ်။ ဒီတော့ မျိုးဆက် (၂) ခုကြားမှာ ပေါင်းကူးခြင်းဆိုတဲ့ နားလည်မှုက ကွာဟသထက် ကွာဟကာ ပတ်ကြားအက်လာပြီး သားသမီးလုပ်တာ မိဘမသိ၊ မိဘရဲ့ဘဝအခက်အခဲတွေကို သားသမီးက လျစ်လျူရှုထားကြတဲ့အပြင် ဂဟေဆက်မရတဲ့ အခြေပျက်ဘဝတွေအဖြစ် စခန်းသွားနေကြတာ များ ပါတယ်။

ဒါကို (ခံစားနေရသူလည်း ဖြစ်နိုင်ပါတယ်) သိနားလည်တဲ့ လူကြီး တစ်ဦးအနေနဲ့ အခုလို (သားသမီးမပါ) လူကြီးနှစ်ဦးတည်း စားသောက် ဆိုင်လာတဲ့အခါ အသွင်အမျိုးမျိုးရှိနိုင်တဲ့ သူတို့ရဲ့သားသမီးသာ ဒီလိုမျိုး သူတို့နဲ့ပြန်ဆွေးနွေးရင် ဘယ်လောက်ကောင်းလိမ့်မလဲလို့ အတွေးနယ် ချဲ့နေမှာ သေချာပါတယ်။

ဒါကြောင့် သူတို့ ရဲ့နားစွန်နားဖျားကြားရတဲ့ 'စွမ်း' ရဲ့ ကျောင်စာ ဆွေးနွေးမှုဟာ သူတို့ရဲ့အတိတ်နဲ့ ပစ္စုပ္ပန်လက်ရှိရင် နှစ်သည်းချာ သားသမီးတို့ရဲ့ ဘဝထဲကိုအမြန်ဆုံး ပို့ဆောင်ပေးလိုက်တဲ့အခါ လူငယ် တစ်ယောက်ကို နှုတ်ဖျားကနေ ချီးကျုးစကား ပြောရလောက် အောင် ခံစားသွားရပါတယ်။

ဒီ 'ချစ်သူများနေ့ညနေခင်း ထမင်းစားဝိုင်းပုံရိပ်' ကနေ ကျွန်တော်တို့ ဘာတွေသင်ယူရရှိခဲ့ပါ သလဲ၊ လူငယ်တွေဟာ စူးစမ်းချင် စိတ် ရှိကြတယ်။ ဒါကိုမြေတောင် မြှောက်ပေးဖို့ လိုတယ်။ အရေး အကြီးဆုံးက သူတို့လုပ်ချင်တာ၊ ပြောချင်တာကို အချိန်ပေး နားထောင်ပေးဖို့ လိုတယ်။ လမ်းကြောင်းမှန် ရွေးချယ်နိုင်ခြင်း ကိစ္စရပ်တွေဟာ သူတို့ရဲ့လွတ်လပ်စွာ ပြောဆိုနိုင်ခြင်းပေါ်မှာ တွဲလောင်းခိုနေတယ်။ ဒါကို ကျွန်တော်တို့ မိဘ တွေ တည့်မတ်ပေးရပါမယ်။

ဒီလောက်တင်ပဲလား? လူကြီးတွေကရော မပြုပြင်သင့်ဘူးလား?

မိဘဖြစ်လို့ ငွေရှာခြင်းအမှုကို ဖြည့်ဆည်းပေးရုံနဲ့ သားသမီးအရေး ပြည့်စုံတယ်လို့ အထင်ရှိနေလို့ မရပါဘူး။ သားသမီးကိုအမြဲ ကြည့်နေရပါမယ်။ ကျောင်းလိုက်ပို့ရုံ၊ ကျောင်းကြိုရုံ၊ ထမင်းလိုက်ကျွေးရုံနဲ့ မလုံလောက် ပါဘူး။ တစ်ရက်တစ်ရက် ကျောင်းမှာ မိမိသားသမီး ဘာဖြစ်နေသလဲ ... အလုပ်လုပ်တဲ့အရွယ်ဆို အလုပ်ခွင်မှာ ဘာဖြစ်နေသလဲ ... ကောင်းတဲ့ အပေါင်းအသင်းနဲ့ ပေါင်းနေသလား? မကောင်းတဲ့သူက သားသမီးကို မြူဆွယ်နေသလား? ... စသဖြင့် မျက်စိဒေါက်ထောက် -  Monitor လုပ်နေရပါမယ်။

သားသမီးရဲ့ လုပ်ချင်ကိုင်ချင်စိတ် တိုးတက်စေချင်ရင် ပညာသင်ဆဲ သားသမီးထံက သူတို့စိတ်ဝင်စားတဲ့ ဘာသာရပ်အကြောင်း နားထောင်ပေးလိုက်ပါ။ ဂိမ်းစွဲနေတဲ့သားသမီးဖြစ်နေရင်လည်း ဂိမ်းအကြောင်း နားထောင်ပေးလိုက်ပါ။ အများကြီးထဲကမှ အမှားတစ်ခုခုအကြောင်းကို ပြန်ဆွေးနွေးကြည့်ပါ။ အဖြေရှာကြပါ။ အဲဒီကမှတစ်ဆင့် မိဘတွေကိုယ် တိုင်တိုးတက်ချင်ရင်တော့ သားသမီးထံကသူတို့ တတ်ထားတဲ့ ပညာတွေကို ပြန်သင်ယူလိုက်ပါ။

ရှေးသုခမိန်တွေက 'ပညာလို အိုသည်မရှိ' လို့ ဆိုထားရုံမက ဘယ်သူ့နားကဖြစ်ဖြစ် ယူတတ်ရင် ပညာဖြစ်ပါ တယ်။ ကျွန်တော်က တော့ ဒီလိုပဲလက်ခံထားတယ်။ ကိုယ့်သားသမီးတွက်၊ ကိုယ့်မိသားစုအတွက် အချိန်ပေး ရတာ တကယ်တန်ပါတယ်။ သူတို့စိတ်ထဲမှာ ဘာဖြစ်နေတယ်ဆိုတာကို သိခွင့်ရတာက ပို၍ပို၍ တန်ဖိုးရှိပါ တယ်။

Ref - Netguide Journal